Selin kundër të gjithë shtëpisë pas daljes së Gimbos, banorja përplaset me Rogertin: Si mund të më gjykojë dikush që e ka lojën e dështuar

Pas daljes së Gimbos të martën, Selin ka zgjedhur të përballet me shumicën e banorëve në shtëpi gjatë ditëve të fundit.

Në Prime, ajo u përballë me Rogertin, me këtë të fundit që u shpreh se Selin ka përdorur meshkujt e shtëpisë për lojë, ndërsa banorja nuk u kursye, duke thënë se nuk lejon Rogertin të flasë për lojën e saj.
Rogerti: Më ngeli fiksim kur i tha Arbri: ‘Ose do bashkohesh me Mirin, ose do bëhesh një luaneshë e fortë vetëm’. Problemi është që ka dy ditë, që sa herë do debat, thotë: ‘Kam festë’. Rri vetëm pas meje dhe Juelës. Luaneshat ecin me katër ose pesë copë dhe nuk rrinë pas derës. Mua më duket Selin që nuk ia ka idenë e lojës. Do të përdori Shëndritin, do të përdori Mateon. Unë i them Selinës që nuk fitohet loja me konotacione seksuale. Loja fitohet duke u përballur me njerëz që nesër-pasnesër mund të kesh probleme. Një prej tyre është Miri.

Miri: Mua më ka bërë përshtypje një debat që kishte me Brikenën këto ditë. Nëse kjo është një tezë që ti e mbron, atëherë pse në momentet kur unë thoja që krevati është beteja jonë, pse ti i jep zë kaq fortë dhe je krenare për këtë gjë.
Selin: Miri kalon te krevati sepse ajo është loja e tij këtu brenda. Ndërsa Rogerti, si mund të mund të analizojë lojën e një banori tjetër, kur loja e tij është e dështuar. Nuk mund të çohet Rogerti dhe të më thotë që nuk është përballur me banorët. Mali për shembull merret akoma me historinë e krevatit. Me Mirin jam përballur në disa debate që Miri akoma i komenton. Rogertit duhet t’i vijë shumë turp që më përmendi bamirësinë. Sa për lojën time, mund të mos ketë qenë korrekte në të gjitha pikat, por sa herë që kam agravuar ka qenë shkak-pasojë e personit që kam pasur përballur. Sa i përket krevatit, unë nuk kam qenë krenare për këtë gjë.