Richard Gere është gati të largohet nga SHBA, ja ku do zhvendoset

Richard Gere është gati t’i thotë lamtumirë SHBA-së.

Ylli 75-vjeçar i Pretty Woman ka shitur shtëpinë në New Canaan, Connecticut për 10.75 milionë dollarë pasi shpalli dëshirën për t’u transferuar në Spanjë. Në prill, aktori zbuloi për ‘Vanity Fair Spain’ se pasi kaloi gjashtë vitet e para të martesës së tij në Shtetet e Bashkuara, ai ishte gati të niste një kapitull të ri në jetën e tij duke u transferuar në vendlindjen e gruas së tij Alejandra Silva.
“Ajo ishte shumë bujare duke më dhënë gjashtë vjet jetë në botën time, kështu që mendoj se është e drejtë që t’i jap asaj të paktën gjashtë vite të tjera jetë në botën time,” tha ai.

Shtëpinë në Konektikat, Richard Gere fillimisht e bleu në vitin 2022 për 10.8 milionë dollarë, ku jetoi me gruan e tij Alejandra Silva dhe dy djemtë e tyre, Alexander dhe James. Ylli e kishte blerë rezidencën me gjashtë dhoma gjumi nga Paul Simon dhe Edie Brickell, të cilët e zotëronin atë për 17 vjet. Shtëpia, e ndërtuar në vitin 1938, ka 11 banjo, një vilë mysafirësh me tre dhoma gjumi, një pishinë dhe disa kopshte në të gjithë pronën prej 32 hektarësh.

Richard Gere dhe Alejandra Silva u martuan në vitin 2018 në Uashington me një ceremoni shumë intime dhe private, pas tre vitesh lidhje. Aktori ka qenë i martuar dy herë në të kaluarën, fillimisht me Cindy Crawford nga 1991 deri në 1995 dhe më pas me aktoren Carey Lowell nga 2002 deri në 2013, nga lidhja e së cilës djali i tyre Homer lindi në 2000. Alejandra ka qenë e martuar më parë, me Govind Friedland me të cilin ka një djalë.