Categories: showbiz

Qau kur iku”/ Pas katër dekadash, aktorët e “Pallatit 176” rikthehen bashkë në “Live me Luizin”; Rajmonda Bulku rrëfen pse mungoi në xhirime

Trupa e shfaqjes “Pallati 176”, një prej produksioneve më të njohura të teatrit shqiptar, u mblodh sërish në ekran pas 40 vitesh, këtë herë në emisionin “Live me Luizin” në Top Channel.

Të lidhura

None found

Eva Aliko, Ilir Bezhani, Adelina Balashi dhe Rajmonda Bulku sollën kujtime nga koha kur interpretonin së bashku veprën që u shfaq për vite në skenat shqiptare.

Gjatë bisedës, Rajmonda Bulku shpjegoi edhe arsyen përse nuk ishte e pranishme në xhirimin e shfaqjes, ndonëse në trupën origjinale kishte interpretuar rolin e Irenës.

Pjesë nga biseda:

Rajmonda Bulku: Unë nuk jam larguar asnjëherë. Më pas kemi realizuar 500-600 shfaqje, por trupat e teatrit zakonisht funksiononin me dublantë, sepse aktorët angazhoheshin edhe në filmat e Kinostudios. Në këtë mënyrë ruhej kalendari i shfaqjeve dhe ato mund të vazhdonin. Në atë kohë shfaqjet nuk kufizoheshin në 15 prezantime si sot; vazhdonin për aq kohë sa kishin sukses. Në teatër kishte shfaqje çdo ditë të javës, njerëzit prisnin për të blerë bileta dhe salla nuk mbetej asnjëherë bosh.

Luizi: Përse nuk ishe pjesë e xhirimit të shfaqjes?

Rajmonda Bulku: Për momentin nuk di çfarë të them, sepse duket se ka ndodhur një lapsus.

Eva Aliko: Aktorët alternoheshin. Ishin dy grupe dhe mund të ndodhte që njëri prej tyre të ishte duke xhiruar film. Monda ishte pjesë e grupit të parë.

Luizi: Domethënë, mungesa e Mondës në xhirimin e “Pallatit 176” ishte thjesht rastësi?

Rajmonda Bulku: Grupi i parë ishte ai që regjistronte. Ky ishte një avantazh që kishte ai grup. Në rastin tim, gjatë regjistrimit mund të jem tërhequr për ndonjë xhirim filmi, por nuk e kujtoj saktësisht, pasi kanë kaluar shumë vite. Ajo që ka rëndësi është se nuk e mendova sa duhet situatën. Pyeta regjisorët nëse mund ta bëja zëvendësimin dhe ata u treguan shumë të butë me mua. Më pas, personi të cilit i kërkova falje dhe për të cilin u pendova për atë që bëra, ishte vetëm Iliri. Ai ishte i vetmi që më tha: “Më fal, kemi luajtur bashkë, e kemi ndërtuar rolin bashkë dhe edhe komoditeti është i përbashkët”. Në fakt, kështu është, sepse krijohet një përshtatje mes partnerëve. Nuk mund të largohesh pikërisht në momentin kur do të bëhet xhirimi, pa e diskutuar me partnerin. Regjisorët nuk ma kishin shpjeguar këtë gjë në mënyrën që ma tha Iliri.

Ilir Bezhani: Ka rregulla të tilla, sepse ne jemi partnerë dhe ti nuk mund të largohesh pa më pyetur. Nëse do të vinte një aktore tjetër, nuk do të kishte problem. Por Monda humbi një rol për të cilin është penduar. Madje qau në një moment.

Rajmonda Bulku: Regjisorët e dytë nuk duhej ta kishin pranuar që në fillim. Ajo që humba ishte një kujtim shumë i bukur, jo vetëm me Ilirin, por me të gjithë.

të fundit

Furnizuesit gjermanë të automjeteve kalojnë te prodhimi i dronëve dhe industria e mbrojtjes, ndërsa sektori i makinave thellohet në krizë

Prodhuesit gjermanë të pjesëve për vetura po orientohen gjithnjë e më shumë drejt industrisë së dronëve, mbrojtjes dhe hapësirës, ndërsa…

3 hours ago

Bardhi: Balluku’s file leads to Edi Rama – searches of her home and phone demanded; imprisoned politicians face fewer charges

Kreu i Grupit Parlamentar të Partisë Demokratike, Gazment Bardhi, deklaroi në emisionin Prime News24 se dosja hetimore ndaj ish-zv.kryeministres Belinda…

3 hours ago

Bardhi mocks Spiropali: they are pushing her to leave, but she insists on staying in the SP parliamentary group at all costs

Kreu i Grupit Parlamentar të PD-së, Gazment Bardhi ka ironizuar ish-ministren e Jashtme, Elisa Spiropali duke komentuar situatën e fundit…

3 hours ago

After hot water and butter attack in prison, man convicted of raping and murdering 80-year-old seeks £100,000 from British state

Një 60-vjeçar, i dënuar me burgim të përjetshëm për përdhunimin dhe vrasjen brutale të një të moshuare 80-vjeçare, ka kërkuar…

3 hours ago

Britain opens doors to up to 100,000 young Europeans every year

Mbretëria e Bashkuar është e gatshme të lejojë hyrjen e deri në 100 mijë të rinjve nga vendet e Bashkimit…

3 hours ago

Azemi accuses opposition: In 12-hour debate on 2027 budget, pensioners were left out of the spotlight

Anëtari i Lëvizjes Vetëvendosje, Egzon Azemi, ka kritikuar deputetët opozitarë, duke i akuzuar se gjatë 12 orëve të seancës për…

3 hours ago