Pranoi në TV se është gay, bëhet “i gjallë” Klodi i BB: Përfundova në spital, as LGBT nuk më mbështeti (VIDEO)

Klodian Çela, ish-banori i “Big Brother 3” që tronditi opinionin shqiptar pasi pranoi homoseksualitetin për herë të parë në një spektakël, ka folur sot me sfidat pas kësaj deklarate.

Mes lotësh ai kujtoi kohën pasi doli nga “Big Brother” dhe vuajtjet e mos pranimit nga shoqëria.

“Dal dhe nuk gjej familjen time në shtëpinë ku kisha jetuar. Prindërit kishin shkuar të jetonin në shtëpi me qira në Durrës. Unë dola nga Big Brother dhe u përballa me atë situatë ku duhet t’iu jepja një mbështetje familjareve.

U mundova, po askush nuk e di se pas atij reality, kam qene 3 muaj në spital. U prish rehatia e familjes dhe s’ e prisja që njerëzit do ishin kaq të prapambetur dhe të mos më jepnin një mbështetje as institucionet. Me pak fjalë isha i vetëm. Shumë abuzuan e shumë shpifën në masë. Me vonë, nëna m’u sëmur dhe u kapa i papërgatitur”, tregoi i emocionuar ai në “Ftesë në 5”.

Sipas Klodit, asnjë nuk e mbështeti, madje as komuniteti LGBT.

“Më kërkuan diplomë për punë, ndërkohë që unë isha vetëm me diplomë gjimnazi”, tregoi ai.

Sot ai jeton dhe punon si drejtor imazhi për një kompani ndërkombëtare.