Pjesë e klipit në një nga këngët e Gjestit? Flet Xheneta

Ish banorja e edicionit të tretë të BBVK, Xheneta Fetahu, ishte e ftuara e radhës mbrëmjen e kaluar në emisionin “Top Arena”.

Përballë Mateos, ajo iu përgjigj një sërë pyetjesh ngacmuese, ku vëmendjen kryesore e morën deklaratat e saj rreth Gjestit.

Një ndër pyetjet e drejtuara ishte nëse ajo do të pranonte të merrte pjesë në ndonjë videoklip të Gjestit. Xheneta u përgjigj pozitivisht dhe pa hezitim, duke u shprehur:

“Patjetër, në qoftë se do të ishte për ndonjë këngë si ‘Katilja’”.

Kjo e fundit është një nga këngët më të njohura të Gjestit, e publikuar vite më parë, dhe duket se mbetet e preferuara e saj.

Gjatë intervistës, Mateo e pyeti Xhenetën edhe për Eglin dhe Loredanën, konkretisht se çfarë nuk do t’i falte atij: lidhjen e kaluar me Eglin apo aludimet për një romancë me Loredanën. Xheneta zgjodhi të qëndrojë neutrale duke u përgjigjur shkurt:

Kujtojmë se Gjesti pati një histori dashurie me Eglin gjatë qëndrimit të tyre të përbashkët në BBVA 4, lidhje kjo që përfundoi vetëm pak kohë pas përfundimit të reality show-t.

Nga ana tjetër, thashethemet për një flirt me Loredanën pushtuan mediat javë më parë, për shkak të dyshimeve se kishin qëndruar në të njëjtën vilë.

Këto aludime u hodhën poshtë nga vetë Loredana, e cila kishte sqaruar: “Kur vajta në vilë, pronarët më thanë që mbrëmë ka qenë Gjesti. Unë s’e kam takuar Gjestin dhe s’kam thënë kurrë që më ka ngacmuar”.

Kujojmë që Xheneta dhe Loredana kishin krijuar një raport të ngushtë shoqërie, gjë që u prish pas këtyre aludimeve për te4 dhe Gjestin.