Pas arrestimit të Diddy-t, Justin Bieber në gjendje të vështirë mendore

Justin Bieber raportohet se është i tronditur nga skandali i reperit Sean “Diddy” Combs (i njohur ndryshe si P. Diddy), i cili është akuzuar për përdhunim, trafikim njerëzish dhe drejtimin e një organizate kriminale.

“Justin i është këshilluar të qëndrojë sa më larg nga çdo gjë që lidhet me Diddy-n”, tha një burim për revistën ‘US Weekly’. Sipas të njëjtit burim, Bieber, i cili në gusht mirëpriti në jetë fëmijën e tij të parë me gruan Hailey, dëshiron të mbrojë veten në mes të këtij skandali që lidhet me Diddy-n dhe festat e tij ku janë parë shumë fytyra të njohura.

Një burim tjetër ka deklaruar se Bieber është në një gjendje të vështirë mendore.

“Ai ka një histori me Diddy-n dhe akuzat ndaj reperit janë të vështira për t’u përballuar”, tha burimi, duke shtuar se Bieber aktualisht është më i fokusuar te djali i tij Jack.

“Ai është plotësisht i tronditur nga skandali dhe nuk dëshiron të ketë asgjë të përbashkët me këtë situatë. Kjo është pjesë e së kaluarës së tij dhe dëshiron që të mbetet aty. Gëzimi që ndien si baba është më i fortë se ankthi për Diddy-n”, theksoi burimi.

Bieber arriti famë në moshën vetëm 14-vjeçare. Në vitin 2008, ai nënshkroi një kontratë me shtëpinë e diskografike të mentorit të Diddy-t, Usher, e cila shënoi fillimin e miqësisë së tij me reperin.

Pas arrestimit të reperit, në internet kanë qarkulluar video të vjetra të tyre. Në një video, Diddy, atëherë 40 vjeç, shprehet se dëshiron që 15-vjeçari Bieber të qëndrojë te ai.

Diddy është arrestuar nga agjentët federalë në New York dhe është ngarkuar me akuzat për abuzim seksual ndaj grave, duke i detyruar ato të merrnin pjesë në festa seksuale dhe përdorimin e drogës me kërcënime dhe dhunë. Ai ndodhet në paraburgim dhe gjykatësi i ka refuzuar lirinë tre herë.