Ndahen Ina dhe Keijsi, Stelina reagon për herë të parë: Ja si e zbulova lajmin

E ftuar në “E Diell”, në rubrikën “Trotuar”, ish-banorja e “Big Brother VIP 5”, Stelina, ka folur së fundmi rreth ndarjes së Keijsit dhe Inës, një temë që është komentuar gjerësisht në rrjetet sociale dhe në media. Gjatë intervistës, ajo është pyetur edhe nëse kishte dijeni për deklaratën e bërë nga Keijsi në Top Albania Radio, ku ai ka folur për ndarjen nga Ina.

Stelina është shprehur se është në dijeni të gjithë situatës, por ka theksuar se informacionet i kanë ardhur kryesisht përmes ndjekësve në Instagram, të cilët i dërgojnë vazhdimisht lajme dhe komente që lidhen me personazhet e përmendur.

“Ma kanë dërguar gjysma e Shqipërisë në Instagram, ka shumë gjëra që lidhen me ta që më dërgohen vazhdimisht. Kjo gjë më shqetëson deri diku, sepse unë e kam thënë edhe më parë në çdo dalje televizive që nuk më lidh asgjë me ta,” është shprehur ajo, duke lënë të kuptohet se dëshiron të distancohet nga çdo lidhje apo koment rreth tyre.

Historia e Keijsit dhe Inës ka nisur fillimisht në emisionin “Përputhen”, ku të dy u bënë të njohur për publikun, ndërsa më pas marrëdhënia e tyre u zhvillua edhe brenda shtëpisë së “Big Brother VIP”. Edhe pse në fillim të rrugëtimit të tij në program, Keijsi kishte deklaruar se ende kishte ndjenja për Stelinën, më vonë ai nisi një romancë me Inën, e cila u bë pjesë e vëmendjes së madhe publike dhe diskutimeve në rrjet.