Miss Albania: Tre makina u përplasën duke më parë mua, nuk donin para vetëm shikimin tim

Përfaqësuesja e Shqipërisë në “Miss Universe 2023”, Endi Demneri dhe producenti i “Miss Universe Albania & Kosova”, Eduart Deda, treguan një incident që ju kishte ndodhur në El Salvador.

Historinë e nis Eduart Deda, duke u shprehur se incidentin e krijoi Demneri, pasi i duhej të përshëndeste fansat. Gjatë këtij momenti, përplasen 3 makina dhe sipas producentit, kjo ndodhi sepse ata ishin “duke parë Endin”.

Nga ana tjetër, Miss-i tregoi se personat që ishin pjesë e aksidentit i thanë: “Nuk na intereson fare ana materiale, na intereson që ne na pa një Miss dhe na dha një vëmendje”.

Gjithsesi, ju nuk patët ndonjë incident apo jo?

Eduart Deda: Absolutisht jo. Incidentin e krijoi zonjusha (referuar Endi Demnerit). E krijoi zonjusha incidentin duke dalë nga aeroporti dhe një ndër shoqëruesit e eskortës së “Miss Univers” i thotë: “Përshëndeti këta njerëzit, mund të hapësh xhamin, mund t’i përshëndesësh fansat”. Dhe përplas nja 3 makina.

U përplasën 3 makina duke parë Endin?

Eduart Deda: Duke parë Endin dhe incidentin e shkaktuam ne, atje incidente ne nuk na shkaktuan, kështu që mirë.

Si skenë filmash kjo Endi.

Endi Demneri: Po, më bëri përshtypje shumë fakti që ndodhi aksidenti dhe unë isha gati, direkt i thashë: “O Zot të lutem, të dal të kërkoj ndjesë dhe me çfarë mund t’i ndihmoj”. Dolën personat që ishin pjesë e aksidentit dhe më thanë vetëm një gjë: “Nuk na intereson fare ana materiale, na intereson që ne na pa një Miss dhe na dha një vëmendje. Sot më ke bërë ditën”. Emocion më vete.