Inter Miami e nisi rrugëtimin në play-offin e MLS Cup me një humbje të thellë 3-0 ndaj Columbus Crew, ndërsa vëmendjen e mori një incident i pakëndshëm me protagonist Lionel Messin.
Në fundin e pjesës së parë, ylli argjentinas humbi durimin dhe e goditi me top në fytyrë sulmuesin e Columbusit, Gonzalo Tapia, i cili po përpiqej t’ia vështirësonte ekzekutimin e rivënies anësore.
None found
I acaruar nga ndërhyrja e kundërshtarit, Messi fillimisht ia shtyu topin në fytyrë sulmuesit Tapia dhe më pas e goditi përsëri me top gjatë ekzekutimit të rivënies anësore.
Gjyqtari Allen Chapman i ndëshkoi të dy lojtarët me karton të verdhë, duke mos e përjashtuar argjentinasin.
Vendimi shkaktoi reagime te stafi i Columbus Crew. Trajneri Laurent Courtois u shpreh se Messi duhej të ndëshkohej me karton të kuq: “Besoj se të gjithë e dinë që ai meritonte më shumë se një karton të verdhë. Është vërtet për të ardhur keq.”
Më vonë, gjyqtari Chapman mbrojti vendimin e tij, duke sqaruar se veprimi i Messit nuk përbënte dhunë në nivelin që do të justifikonte përjashtimin nga loja. “Forca e përdorur ishte e papërfillshme dhe veprimi nuk arriti nivelin e sjelljes së dhunshme,” shpjegoi ai.
Inter Miami po luante me një lojtar më pak edhe para këtij episodi dhe e nisi keq ndeshjen, duke pësuar gol në pjesën e parë nga Gonzalo Tapia, i cili realizoi nga pika e penalltisë.
Në pjesën e dytë, Taha Habroune dyfishoi avantazhin e Columbus Crew, ndërsa Tapia shënoi golin e dytë personal dhe vulosi fitoren 3-0.
Pas ndeshjes, trajneri i Inter Miamit, Kily Gonzalez, pranoi se skuadra e tij ishte larg paraqitjes së dëshiruar.
Me rastin e përvjetorit të rënies së veteranit dhe bashkëluftëtarit Arben Sejdiu, familja dhe bashkëluftëtarët e tij kanë organizuar homazhe…
Të paktën tre persona kanë humbur jetën dhe 36 të tjerë rezultojnë të zhdukur pas një zjarri të madh që…
Gati shtatë vjet pas tërmetit që shkaktoi 51 viktima, qindra të plagosur dhe miliona euro dëme, ndërhyrjet në apartamente dhe…
Gazetarja shqiptare, Sonila Meço, ka reaguar pas pamjeve të ish-kryetarit të Kuvendit të Kosovës, Jakup Krasniqi, i cili nuk u…
Ditën e sotme, mjegulla e dendur ka pushtuar aksin nacional Burrel–Skuraj, duke vështirësuar ndjeshëm qarkullimin e automjeteve, duke rritur rrezikun…
Detaje të reja nga operacioni ushtarak amerikan “Midnight Hammer”, i ndërmarrë në qershor të vitit 2025 kundër objekteve bërthamore të…