Mateo surprizon Brikenën me fjalë dashurie: Kur të pashë në BBV, mbeta pa frymë

Në “Top Arena” u zhvillua një intervistë me nota romantike mes Mateo Borrit dhe Brikena Selmanit, dy moderatorëve që iu bashkuan programit gjatë Botërorit 2026.

Dy ish-konkurrentët e “Big Brother VIP 5” folën për marrëdhënien e tyre, duke ndarë detaje të tjera nga lidhja që kanë krijuar.

Mateo tregoi se prania e partneres në të njëjtin program dhe ambient pune i fal një ndjesi të veçantë kënaqësie dhe ngrohtësie. Sipas tij, është bukur që vijnë së bashku, përgatiten pranë njëri-tjetrit dhe i bëjnë të gjitha bashkë. Megjithatë, ai pranoi se gjatë punës vëmendja i shkon më shumë te Brikena sesa te të ftuarit, duke e cilësuar këtë si të vetmin problem.

Brikena iu përgjigj se kjo ishte diçka shumë e bukur dhe aspak problem. Më pas, ajo e pyeti Mateon se cili kishte qenë mendimi i tij i parë kur e kishte parë të hynte në BBV.

Mateo rrëfeu se për një çast i ishte ndalur fryma dhe kishte përjetuar emocione e siklete të ndryshme, pasi e dinte se edhe vetë do të bëhej pjesë e shtëpisë. Ai tha se, sapo pa Brikenën, e kuptoi se rrugëtimi i tij do të ndryshonte tërësisht. Duke iu referuar shprehjes “aty ku ka shkëndija ka edhe zjarr”, Mateo shtoi se kishte ardhur me bidona benzine, sepse e dinte që zjarri ishte ajo.