“Lutuni për mua”, nga artistët te politikanët, Adriana Matoshi merr “bekimin” e shqiptarëve para operimit

Adriana Matoshi ndau dy ditë më parë lajmin e trishtë me ndjekësit se po përballej me një sëmundje, sërish.

Ajo e quajti këtë “tradhti të shëndetit”, në një status të gjatë që në ccdo resht të përcjell emocion.

Aktorja dhe deputetja e Kuvendit të Kosovës që ka mposhtur dy herë tumorin, tregoi se po i nënshtrohej një operimi dhe për këtë ka kërkuar “bekimin” e shqiptarëve.

Dhe padyshim nuk ja kanë kursyer.

Nga ndjekësit e thjeshtë, te artistët, këngëtarët, aktorët, politikanë e gazetarë, mijëra shqiptarë janë lutur për Adriana Matoshin. Bashkë me lutjet, miqtë e të afërm të aktores i dhanë edhe sigurinë se ajo do rikthehet sërish pranë fëmijëve, familjes dhe karrierës së saj të suksesshme.