Larry Ellison kalon Elon Musk, bëhet njeriu më i pasur në botë

Larry Ellison ka kaluar Elon Musk si personi më i pasur në botë, pasuria e tij u rrit ndjeshëm pasi kompania Oracle raportoi rezultate tremujore më të mira se sa pritej. Sipas Indeksit të Miliarderëve të Bloomberg pasuria e Ellison u rrit me 101 miliardë dollarë në 393 miliardë dollarë. Rritja erdhi pasi kompania Oracle raportoi shkëlqyera tremujore që tejkaluan vlerësimet e analistëve dhe kompania parashikoi rritje të mëtejshme në të ardhmen.

Me rritjen, Ellison tejkaloi Elon Musk, pasuria neto e të cilit është 385 miliardë dollarë. Rritja ishte më e madhja në një ditë të vetme në Indeksin e Miliarderëve të Bloomberg. Ellison, 81 vjeç, bashkëthemelues i Oracle dhe tani kryetar dhe drejtor i teknologjisë, e ka pjesën më të madhe të pasurisë së tij të lidhur me kompaninë e softuerëve të bazës së të dhënave.

Aksionet e Oracle, të cilat ishin rritur tashmë me 45% këtë vit deri të martën, u rritën me 41% të mërkurën pasi kompania raportoi një rritje të porosive dhe një perspektivë optimiste për biznesin e saj të infrastrukturës cloud. Rritja ishte fitimi më i madh njëditor i Oracle.

Në të kundërt, aksionet e Teslës së Elon Musk kanë rënë me 13% këtë vit. Pavarësisht se kompania i ofron Muskut një paketë të madhe page që, nëse ai përmbush një sërë objektivash ambicioze, mund ta bëjë atë trilionerin e parë në botë, performanca e Teslës nuk ka reflektuar të njëjtin vrull si ajo e Oracle.

Kush është Larry Ellison?

Jeta e hershme e Larry Ellison nuk ishte shenjë e mirë për suksesin e tij të mëvonshëm. Ellison lindi në Bronx, New York dhe kur ai ishte 9 muajsh vuante nga pneumonia dhe ajo e dërgoi atë në Çikago ku u rrit nga prindër birësues. Marrëdhënia me babain birësues ishte e vështirë, ndërsa me nënën birësuese ishte shumë e afërt. Ai braktisi universitetin për ta kujdesur kur ajo u sëmur rëndë dhe vdiq.

Me një makinë Thunderbird të blerë me kursimet e veta, Ellison udhëtoi drejt Kalifornisë, ku pas disa punëve të zakonshme, nisi karrierën në teknologji në kompaninë Ampex në vitin 1973. Aty njohu Ed Oates dhe Bob Miner, me të cilët themeloi në 1977 kompaninë Software Development Laboratories (SDL), me vetëm 2,000 dollarë kapital. Më vonë, kjo u bë kompania që krijoi Oracle, një ndër gjigantët e teknologjisë moderne.

Gjatë viteve, Oracle bleu kompani të mëdha si PeopleSoft dhe Sun Microsystems, ndërkohë që Ellison investoi edhe në pasione personale, si garat me jaht dhe blerja e ishullit Lanai në Havai më 2012. Ellison, me karakterin e tij unik dhe personalitetin kontrovers, ndërtoi një imazh që kombinonte suksesin e tij personal me zgjerimin e e kompanisë Oracle. ione personale, të tilla si garat me vela dhe blerja e ishullit Lanai në Hawaii në vitin 2012.

Vlen të përmendet se Ellison mbështeti edhe sipërmarrës të tjerë të mëdhenj, si pozitivisht ashtu edhe negativisht. Ai ishte anëtar i bordit të Theranos të Elizabeth Holmes, mbështeti Elon Musk në Tesla dhe ka qenë një mbështetës i gjatë i Donald Trump. Me rritjen dhe lidershipin e vazhdueshëm të Oracle, Ellison po dëshmon se vitet e tij më të mira nuk kanë mbetur ende pas.