Klinti Çollaku bëhet baba për herë të parë dhe ndan emocionet në “Në Shtëpinë Tonë”

Klinti Collaku, i cilësuar si një nga artistët më të talentuar të muzikës shqiptare, foli për herë të parë në emisionin “Në Shtëpinë Tonë” për përvojën e tij të re si prind.

Këngëtari është bërë baba i një vajze, e cila quhet Liora dhe është 3 muajshe. Ai tregoi se ardhja e saj në jetë i ka dhuruar emocione të forta dhe e ka ndryshuar si njeri.

Klinti rrëfeu se gjatë lindjes qëndroi jashtë, megjithëse dëgjoi gjithçka. Kur më pas takoi partneren, të cilën e përshkroi si gjysmën e tij, u përball me një moment që ndikoi thellësisht tek ai.

Sipas këngëtarit, lindja ishte natyrale, por tepër e vështirë. Partnerja e tij tregoi forcë të jashtëzakonshme, ndërsa ai pranoi se u dorëzua emocionalisht. Klinti tha se qau për orë të tëra, ndërkohë që familjarët i kujtonin se duhej të ishte ai që t’i jepte kurajë. Kur shkoi pranë partneres, të dy shpërthyen në lot. Më vonë, pasi mori telefonatën, ai qau sërish, këtë herë për të çliruar të gjitha emocionet e grumbulluara.

Edhe pse është në moshë të re, Klinti Collaku tha se lindja e vështirë e vajzës i ndryshoi mënyrën se si e sheh jetën. Tashmë ai ndërthur angazhimet në karrierë me jetën familjare, ndërsa këngët e tij ia këndon edhe Liorës për ta vënë në gjumë.

Artisti kishte ëndërruar të bëhej baba i një djali, por në jetë i erdhi një vajzë. Në “Në Shtëpinë Tonë”, ai tregoi gjithashtu se surpriza për zbulimin e gjinisë së bebit iu prish përpara festës “gender reveal”.

Klinti shpjegoi se tezja e vajzës kishte marrë tullumbacet, por nga pozicioni ku binte drita mund të dallohej ngjyra rozë brenda tyre. Në atë çast ai e kuptoi gjininë, por nuk i tregoi askujt, në mënyrë që të priste festën. Megjithatë, pranoi se u mërzit pak, pasi dëshironte që lajmi të mbetej surprizë.