“Ka ardhur nga një martesë”- Meri Shehu zbulon se është nënë e një vajze, flet dhe për kujtimet në BBV: Ishim shumë të afërt

Astrologia Meri Shehu ka folur për jetën private duke zbuluar se është nënë e një vajze nga një martesë, por nuk u ndal më gjerë duke i treguar kështu hermetike në lidhje me familjen.

“Kam një vajzë, që ka ardhur nga një martesë. Unë aty u futa për një lojë, për të treguar marrëdhënien time me publikun. Në këto 20 vite që kam qenë në ekran, doja që publiku të njihte edhe Merin e vërtetë”, tha astrologia gjatë një interviste për “Ftesë në 5”.

Meri rrëfeu dhe për eksperiencën në Big Brother Vip duke thënë se kishte krijuar lidhje shumë të afërta me banorët.

“Ishim bërë kaq të afërt, sa nuk e kuptonim ishte djalë apo vajzë. I fusnim duart te të dy. Ata zhvisheshin aty, hanin bashkë, rrinin bashkë. Nuk e di çfarë më ka bërë Big Brother, më ka bërë si një qengj të urtë. Kuptova që te sherret që kam bërë kam shprehur disa anë të karakterit që nuk i kisha nxjerrë më parë. Por, tani jam më e qetë”, tha ajo.

Meri shpjegoi situatën me Rozën duke thënë: “Më akuzuan për dhunë, për një kapje mjekre. Shkova për të parë nëse kishte silikon. Pse duhet ta qëlloja unë atë. Ishte thjesht një prekje dhe unë për atë u penalizova, dola në nominim.”