Ish-ylli i “Harry Poter” do të paguajë 1.8 milionë euro pas humbjes së…

Ish-ylli i “Harry Potter”, Rupert Grint, është urdhëruar të paguajë 1.8 milionë euro tatime pasi humbi një betejë ligjore me “HM Revenue & Customs”.

Mediat e huaja shkruajnë se Grint, i cili luajti Ron Weasley në filma, fillimisht iu tha të paguante shumën në vitin 2019 pasi një hetim HMRC kundërshtoi një nga deklaratat e tij tatimore.

Avokatët e 36-vjeçarit apeluan, duke argumentuar se paratë që ai merrte nga një kompani ishin tatuar në mënyrë korrekte si një aktiv kapital, por HMRC tha se duhet të ishin tatuar si të ardhura me një normë më të lartë.

Megjithatë, argumenti i Grintit është hedhur poshtë nga një gjykatës i gjykatës tatimore.

Gjatë vitit tatimor 2011-2012, Grint mori 4.5 milion £ nga një kompani që menaxhonte biznesin e tij, dhe në të cilën ai ishte i vetmi aksioner

Kjo pagesë u përshkrua si për “të ardhura dhe shpërblime të mundshme të mbetura” që rezultojnë nga filmat e “Harry Potter”.

Ai argumentoi se mund të paguante tatimin mbi fitimin e kapitalit me një normë prej 10% në vend të tatimit mbi të ardhurat dhe sigurimin kombëtar me një normë maksimale prej 52%.

Në vendim, gjykatësja e gjykatës, Harriet Morgan hodhi poshtë ankesën e Grint dhe tha se paratë “rrjedhin në thelb të gjithë vlerën e tyre nga aktivitetet e z. Grint”, e cila “përndryshe u realizua” si të ardhura.

Ai humbi më parë një tjetër çështje gjyqësore të veçantë në vitin 2019 që përfshinte një rimbursim tatimor prej 1 milion £.

Grint u shfaq në të tetë filmat e “Harry Potter” nga 2001 deri në 2011.

Që atëherë, ai është shfaqur në filmat “Into the White” dhe “Knock at the Cabin”, dhe gjithashtu është shfaqur në TV dhe teatër.

Ai ka luajtur në serialin “Apple TV Servant” për katër vitet e fundit.