Historia prekëse e banores së Big Brother: Nëna më ka lënë kur isha një-vjeçe

Pas spektaklit të kaluar, Xheneta Fetahu, ka ndarë një histori të dhimbshme private me banorët brenda.

Modelja shqiptare ka folur për jetën personale, ku thekson se nëna biologjike e kishte lënë kur ishte një-vjeçe e gjysmë.

Më pas, ajo tregon se babai i saj u martua dhe se tani njerka i është bërë si nënë dhe se e do më shumë se gjithçka.

“Nëna ime biologjike na ka lënë, nëna që na ka lindur. Edhe mua edhe binjakun tim. Është ndarë nga babai im, një vit e gjysmë na ka lënë. Babai im u martua kur i kam pasur unë pesë vjet edhe realisht emrin njerkë nuk e meriton por është”, u shpreh ajo.

Mes lotësh, banorja theksoi: “Unë atë e dua më shumë se çdo njeri në botë. Për atë kur preket familja, për mua është zhgl. Unë jam krenare që e kam atë në jetën time. Krejt gjërat i lë për të. Ka shumë shumë prindër të këqinj. Është e rëndë të them si term, por ka”.

Xheneta gjatë kësaj kohe u përfshi në tema të ndryshme me konkurrentët e tjerë.

Në ndërkohë, janë bërë nominimet e para në shtëpinë më të famshme në Kosovë.