Fotot virale të Lamine Yamal me një vajzë misterioze ngrenë dyshime për tradhti, zbulohet e vërteta

Lamine Yamal është gjendur sërish në qendër të polemikave, por këtë herë çështja nuk lidhet me paraqitjet e tij në fushën e futbollit.

Në rrjetet sociale u ngritën dyshime se sulmuesi i Barcelonës dhe përfaqësueses së Spanjës kishte tradhtuar partneren e tij, Inés García Santos.

Gjithçka nisi nga disa fotografi të shpërndara gjerësisht në internet, për të cilat pretendohej se paraqisnin 19-vjeçarin gjatë pushimeve në Kolumbi. Në imazhe, ai supozohej se ndodhej në një jaht luksoz pranë një vajze të veshur me bikini.

Pasi u publikuan në platformën X, fotot u bënë menjëherë virale dhe nxitën aludime për një tradhti të mundshme nga Yamal. Megjithatë, më vonë u vërtetua se pamjet ishin prodhuar përmes inteligjencës artificiale (AI), ndaj nuk shërbenin si dëshmi reale për pretendimet e ngritura.

Pas qarkullimit të këtyre materialeve të falsifikuara, disa raportime pohuan se Inés nuk e ndiqte më Yamal në Instagram dhe se marrëdhënia mes tyre kishte marrë fund. Edhe ky version u hodh poshtë, pasi një pamje ekrani e publikuar më pas tregonte se García vazhdonte ta ndiqte futbollistin në këtë platformë.

Një tjetër pretendim i përhapur në rrjetet sociale ishte se Inés kishte reaguar në TikTok, ku thuhej se kishte konfirmuar tradhtinë dhe përfundimin e lidhjes. Sipas të njëjtave zëra, Yamal dyshohej se e kishte tradhtuar atë në më shumë se një rast.

As këto informacione nuk rezultojnë të vërteta. Inés García nuk ka dhënë deklarata të tilla, as në profilet e saj sociale dhe as në ndonjë intervistë të njohur. Ajo madje ka paralajmëruar publikisht për ekzistencën e llogarive që shtiren si ajo dhe publikojnë informacione të pavërteta.

Gjatë Botërorit 2026, Inés ka qenë ndër mbështetëset kryesore të Yamal. Ajo është fotografuar në stadium teksa ndiqte ndeshjet e Spanjës, e veshur me fanellën e futbollistit me numrin 19.