Elton Ilirjani tregon premtimin që djali i bëri Parashqevisë: Ndarja ishte një pikturë e plagës, pranoi kërkesën e saj

Biznesmeni Elton Ilirjani, ka rrëfyer për Top Story detaje nga takimi mes Parashqevi Simakut dhe djalit të saj Luke dhe premtimin që ai i bëri pasi u largua.

Ai tregoi momentin e takimit para se Luke të largohej, ndërsa tha se Parashqevia i kërkoi atij që të bëhej menaxherë i karrierës së saj, gjë që ai e pranoi dhe i premtoi se do të takohen sërish dhe se do t’ia plotësonte këtë dëshirë.

“Parashqevia bëri plane më të birin që i biri t’i menaxhojë dhe karrierën. Ishte një takim motivues.

Ndarja ishte një pikturë e gjithë plagës disa vjeçare. Aty kuptova që nuk mund të mbulohet një plagë e dhimbshme dhe e thellë me një lule.

Ai takim është fillimi i diçkaje tjetër.

Parashqevia është në gjendje të rënduar emocionale dhe për momentin nuk është mirë. Nuk mund të them që është e sëmurë, por di të them që nuk është mirë emocionalisht dhe plaga e saj është hapur dhe dhemb dhe është në kontroll të vazhdueshëm nga ne, një skuadër që është shtuar tashmë, dhe psikologë, dhe po mundohemi ta bindim dhe për një kontroll dhe ajo pranoi. Nuk duhet spekuluar që ajo është e sëmurë. E prisja këtë ngarkesë të saj emocionale.

I biri kur iku i premtoi se do të takohen, i premtoi dhe menaxhim të karrierës dhe mbledhjen e gjithë videove dhe krijimin e profileve në rrjetet sociale sepse nuk ka, dhe ajo ia la këtë të drejtë birit të saj. Kur erdhi mëngjesi, Parashqevia mendonte se kjo nuk do të ndalonte aty. U rrëzua emocionalisht brenda vetes dhe aty kërkova ndihmë nga të gjithë dhe nuk arritëm dot ta ndihmonim”, tha ai.