Eliminim surprizë, Olsi Bylyku jashtë Big Brother

Olsi Bylyku është banori i dytë që lë shtëpinë e Big Brother VIP3.

Pas eliminimit të Gabrieles, Vëllai i Madh ka hapur një tjetër televotim në të cilin publiku ka votuar banorin që dëshironte të shpëtonte.

Shkak për hapjen e televotimit të dytë është thyerja e rregullave të lojës me ngjitëse, ku pjesa më e madhe e banorëve zgjodhën të mos përfshiheshin aq shumë duke u dorëzuar, ndërsa i pari që nisi me thyerjen e rregullave ishte Juli duke lëvizur dorën për të pirë cigare.

Si rezultat, rrugëtimi i Olsit ka përfunduar në këtë fazë të lojës duke u larguar si banori me më pak vota.

Por, fati nuk ishte as me të pasi ai nuk e kishte biletën e kthimit.

“Nuk është se kisha një përjetim, por nuk pata pozicionin tim që nuk mund të krijoj një protagonizëm të detyruar. Unë thjesht jap mendimin tim aty ku duhet. Jap perceptimet e mia se si duhet të jetë një debat. Por nuk jam në ndikimin që duhet të jap mendimin tim aty ku s’duhet.

Nuk pata kohë që të mendoj nëse ishte sport për mua ose jo “Big Brother”.

Besoj se të gjithë janë duke marrë protagonizëm. Të them të vërtetën, këtë gjë e kam të sinqertë, protagonizmin e detyruar nuk e marrë dot. Kjo dallohet te konkurrentët që kërkohet për ta pasur këtë gjë”, ishin fjalët e Olsit.