Do ta moderojë apo jo ajo “BBV 3”? Ky reagim i fundit i Arbana Osmanit thotë gjithçka

Pavarësisht se bëhet shpesh pjesë e polemikave, vetë Arbana Osmani mundohet t’i shmangë ato.

Pak ditë më parë qarkulloi lajmi se këtë vit “Big Brother VIP 3” mund të mos moderohej nga Arbana. U raportua se ajo ka pasur disa përplasje me drejtuesit e televizionit dhe këtë vit prezantimi i formatit mund të mos i besohej asaj. Sipas atyre që qarkullon në media, reality-shoë mund të moderohej nga Ledion Liço ose Bora Zemani.

Teksa ende nuk dihet sa të vërteta janë këto zëra që po qarkullojnë, u vu re se Arbana dhe Ledioni nuk ndiqen më në Instagram. Nuk dihet arsyeja e këtij veprimi, por në këtë mënyrë ata i kanë hedhur më shumë benzinë zjarrit.

Kur rrjeti po zien mbi këtë lajm dhe ka nisur pyetja “Kush do e zëvendësojë Arbanën”, kjo e fundit ka bërë disa reagime në mediat sociale që duken si përgjigje.

Kështu, Arbana së fundmi në një postim në Instagram ka zgjedhur të pëlqejë (like) të gjithë komentet që thonë se BBV 3 nuk do bëhet dot pa drejtimin e saj.