“Big Brother”/ Familja e Mirit reagon ndaj akuzave që po i bëhen këngëtarit: Po tejkalohen kufijtë…

Së fundmi, familja e banorit të “BBV5”, Mirit ka publikuar një reagim zyrtar lidhur me mënyrën se si ai është trajtuar këngëtari gjatë qëndrimit të tij në shtëpinë më të famshme në Shqipëri.

Në deklaratën e shpërndarë në rrjetet sociale, familja shpreh shqetësimin për akuzat dhe etiketimet që, sipas tyre, kanë tejkaluar kufijtë e pranueshëm, duke cënuar dinjitetin personal dhe profesional të Mirit.

Ata theksojnë se ai është rritur me vlera dhe edukatë, duke hyrë në format me qëllimin për të qenë vetvetja dhe për të dhënë një kontribut pozitiv në lojë.

Sipas reagimit, disa situata dhe reagime të banorit janë interpretuar në mënyrë të gabuar, ndërsa ironia apo qëndrimet e tij janë parë si konflikt, edhe pse familja i konsideron ato si mënyrë njerëzore për të përballuar presionin e vazhdueshëm brenda shtëpisë.