Bianca Censori tërheq sërish vëmendjen me një paraqitje transparente

Një seri e re fotografish ka rikthyer Bianca Censorin në qendër të vëmendjes së mediave dhe publikut. Në imazhe, ajo shfaqet pranë bashkëshortit të saj, Kanye West, e veshur me një krijim transparent të markës Yeezy.

Fotot janë realizuar në një parking nëntokësor dhe fillimisht u publikuan në profilin e Censorit në Instagram. Më pas, ato u shpërndanë edhe nga stilisti dhe fotografi Gadir Rajab, i cili i shoqëroi me përshkrimin: “Vala e të nxehtit në Europë”.

Në njërin prej imazheve, 31-vjeçarja australiane qëndron pranë Kanye West, ndërsa paraqitja e saj vijon të jetë në linjë me stilin transparent që e karakterizon. Reperi, nga ana tjetër, kishte zgjedhur një veshje tërësisht të zezë, të plotësuar me syze dielli.

Vetëm pak ditë më herët, çifti ishte parë në klubin e natës Circoloco në Ibiza, ku Bianca Censori kishte mbajtur të njëjtën paraqitje. Kjo dalje ndodhi pak para performancës së planifikuar të Kanye West në Madrid.

Zgjedhjet e veshjes së Censorit kanë shkaktuar vazhdimisht diskutime në rrjetet sociale. Shumë persona kanë hedhur dyshime se stili i saj ndikohet nga bashkëshorti.

Megjithatë, gjatë një interviste për Vanity Fair, ajo i kundërshtoi këto pretendime dhe tha se veshjet e saj janë pjesë e një procesi krijues të përbashkët.

“Nuk do të bëja kurrë diçka që nuk dua ta bëj”, deklaroi Censori, duke e përshkruar mënyrën e saj të paraqitjes si rezultat të një “bashkëpunimi” me Kanye West.

Ajo shtoi se lidhja martesore me reperin është ndërtuar mbi ndjenjat dhe jo mbi interesa personale.

“U martova me të sepse e dua. Nuk u martova me të për të fituar një platformë apo famë”, u shpreh ajo./TAR