Arrestohet përndjekësja që i dërgoi 8000 letra dhe ftesa dasmash në shtëpi Harry Styles

Një grua që përndiqte këngëtarin Harry Styles është arrestuar dhe është ndaluar ta shohë atë duke performuar. Myra Carvalho, 35 vjeç, i dërgoi këngëtarit 8000 letra në më pak se një muaj.

Ajo u dënua me 14 javë burgim pasi u deklarua fajtore për një akuzë përndjekje të martën. Një masë ndalimi për 10 vjet u vendos edhe ndaj Carvalhos dhe asaj iu tha se nuk mund të merrte pjesë në asnjë event ku Styles po performonte.

Braziliania Carvalho i dërgoi këngëtarit 30-vjeçar letra të shkruara me dorë ndërsa ishte në Mbretërinë e Bashkuar, si dhe porositi një seri kartash për të në internet, të cilat i dërgoheshin në adresën e tij. Nga 8,000 letrat e dërguara, disa ishin ftesa martese dhe dy nga letrat u dorëzuan me dorë në adresën e Styles.

Dokumentet e gjykatës treguan se Carvalho kishte qëndruar në një bujtinë në Earl’s Court në perëndim të Londrës, pasi mbërriti në MB në dhjetor. Ajo gjithashtu u urdhërua të mos kontaktonte Styles, drejtpërdrejt ose tërthorazi, dhe iu tha të mos hynte në një zonë të Londrës veriperëndimore.

Ajo gjithashtu duhet të paguajë një pagesë shtesë prej 134 paundësh.që