Ministria e Transformimit Digjital ka lëshuar një urdhër drejtuar Agjencisë së Komunikimeve Elektronike për të bllokuar qasjen në 104 portale interneti që ofrojnë lojëra fati në mënyrë të jashtëligjshme.
Me këtë veprim, numri i përgjithshëm i faqeve të përfshira në urdhrat e mëparshëm të bllokimit ka arritur në 462. Sipas ministrisë, këto ndërhyrje synojnë të parandalojnë organizimin e paligjshëm të lojërave të fatit në internet dhe të kufizojnë aksesin në platforma që shkelin legjislacionin në fuqi në vend.
None found
Qëllimi kryesor i masave është mbrojtja e qytetarëve në mjedisin digjital, përfshirë edhe rreziqet që vijnë nga ndarja e të dhënave personale dhe financiare në faqe të tilla ilegale. Vëmendje e veçantë i kushtohet sigurisë së të miturve dhe shmangies së ekspozimit të tyre ndaj lojërave të fatit në internet, theksojnë zyrtarët e Ministrisë së Transformimit Digjital.
Sipas urdhrit të dorëzuar, Agjencia e Komunikimeve Elektronike ka një afat prej pesë ditësh për t’ua përcjellë urdhrin operatorëve të rrjeteve të komunikimeve elektronike. Operatorët, nga ana tjetër, janë të detyruar të veprojnë menjëherë për të kufizuar aksesin në faqet e përmendura dhe të shfaqin një njoftim që sqaron arsyen e bllokimit.
Ministria e Transformimit Digjital u ka bërë thirrje qytetarëve që të jenë të kujdesshëm dhe të mos japin të dhëna personale apo financiare në uebsajte të paverifikuara. Po ashtu, prindërve dhe kujdestarëve u kërkohet t’i kushtojnë vëmendje më të madhe aktiviteteve online të fëmijëve të tyre.
Villarreali është larguar i revoltuar nga “Spotify Camp Nou”, pas humbjes 3-2 nga Barcelona, duke shprehur pakënaqësi të mëdha ndaj…
Evropa po hyn në një periudhë vendimtare zgjedhore, ku rezultatet e votimeve në disa prej vendeve më të mëdha të…
Kategoria e DytëDitën e sotme, janë zhvilluar 7 ndeshje në Kategorinë e Dytë, mes Grupit A dhe B në javën…
Presidenti i FSHF-së dëshiron një grup me katër skuadra për kuqezinjtë, ndërsa për U21 nuk ka kundërshtarë të preferuar: “Janë…
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…