Categories: maqedoni

UNESCO: Vlerat e zonës së Ohrit vijojnë të degradohen

Shqipëria dhe Maqedonia e Veriut do të kenë edhe pesë vjet kohë për të përmbushur masat e kërkuara për mbrojtjen e Rajonit Natyror dhe Kulturor të Ohrit. Me këtë vendim, Komiteti i Trashëgimisë Botërore i UNESCO-s shmangu për momentin futjen e zonës në Listën e Trashëgimisë Botërore në Rrezik.

Të lidhura

None found

Megjithatë, UNESCO nënvizon se procesi i degradimit të vlerave të jashtëzakonshme universale të rajonit vazhdon dhe nuk është ndalur.

Komiteti i Trashëgimisë Botërore e mori vendimin në sesionin e tij të 48-të, pasi shqyrtoi raportin për gjendjen e ruajtjes së Rajonit Natyror dhe Kulturor të Ohrit.

Inxhinieri dhe ambientalisti Arian Merolli vlerëson se entuziazmi i treguar nga zëvendëskryeministri në mbledhjen online të Komitetit të Trashëgimisë Botërore, pasi Rajoni i Ohrit nuk u përfshi në Listën e Trashëgimisë Botërore në Rrezik, ishte i gabuar.

Merolli shprehet: “Zëvendëskryeministri ishte shumë i gëzuar që Rajoni i Ohrit nuk u fut në Listën e Trashëgimisë Botërore në Rrezik. Mua kjo më habiti, sepse do të ishte më mirë të ishte futur në atë listë. Kjo do të rriste presionin e UNESCO-s dhe të institucioneve ndërkombëtare mbi qeverinë për të marrë masa konkrete për mbrojtjen e rajonit”.

Ai paralajmëron se, pa vullnet politik, periudha pesëvjeçare e përcaktuar nga UNESCO mund të përfundojë pa rezultate.

“Pas pesë vitesh kjo qeveri mund të mos jetë më në pushtet dhe mund të thotë: ‘Punë e madhe, nuk jemi më ne’. Prandaj nuk i shqetëson fakti që u dha një afat pesëvjeçar. Shqetësimi im është nëse ata e dinë çfarë duhet të bëjnë gjatë këtyre pesë viteve. Unë besoj se nuk e dinë”, vijon Merolli.

Sipas inxhinierit Arian Merolli, strategjia e përgatitur me kërkesën e UNESCO-s për menaxhimin dhe rivitalizimin e Liqenit të Ohrit duhet të plotësohet nga një plan i hollësishëm zbatimi, ku të përcaktohen afatet dhe buxhetet. Ai vëren se Maqedonia e Veriut ka ecur më tej në këtë proces, pasi e ka kaluar strategjinë në mbledhjen e qeverisë dhe ka ngritur një grup ndërinstitucional që do të merret me zbatimin e saj. Në këtë drejtim, Shqipëria vazhdon të mbetet prapa.

Tags: ohriUNESCO

të fundit

Pecakov condemns attack on 26-year-old woman in Ohrid, urges institutions to act swiftly

Kryetari i Komunës së Ohrit, Kiril Pecakov, dënoi ashpër dhunën ndaj vajzës 26-vjeçare, e cila përfundoi në spital me lëndime…

1 minute ago

Baloku comments on the arrest of former minister Haraqija and brings one of his statements back into focus

Deputeti i Lëvizjes Vetëvendosje, Armend Baloku, ka reaguar pas arrestimit të ish-ministrit të Kulturës, Haraqija. Në një postim, Baloku ka…

1 minute ago

Spain: We will not block Kosovo’s move closer to the EU

Spanja nuk do të jetë pengesë për afrimin e Kosovës me Bashkimin Evropian, deklaroi kryediplomati spanjoll, Jose Manuel Albares, gjatë…

2 minutes ago

Kusari-Lila at the Vienna Economic Forum: The EU cannot be complete without the Western Balkans

Ministrja e Tregtisë dhe Industrisë, Mimoza Kusari-Lila, ka marrë pjesë në panelin ministror të Forumit Ekonomik të Vjenës, ku ka…

2 minutes ago

Përfundon në Tiranë protesta e 170-të kundër qeverisë

Është mbyllur protesta e 170-të në Tiranë. Gjatë ditës së sotme, pati tensione të herëpashershme mes policisë dhe qytetarëve. Policia…

2 minutes ago

Tirana without a joint opposition candidate: Alimehmeti proposes voting in the square, Qori runs, Hasimja demands criteria

Ilir Alimehmeti e ka bekimin e Sali Berishës për të kandiduar për Bashkinë e Tiranës. [...] Read More... The post…

2 minutes ago