Rastet e gripit dhe sëmundjeve të ngjashme me gripin në Maqedoni janë rritur ndjeshëm, sipas raportit të fundit të Institutit të Shëndetit Publik, publikuar më 5 nëntor. Gjatë javës 26 tetor–1 nëntor u evidentuan 116 raste, ndërsa një javë më parë ishin raportuar 61, duke shënuar një rritje prej 90.2 përqind.
Tetova ka numrin më të lartë të raportimeve, me 48 raste. Pas saj renditen Kumanova me 26 raste dhe Shkupi me 13, ndërsa Prilepi dhe Gostivari kanë regjistruar nga shtatë raste secili.
None found
Rritja më e madhe vihet re në Tetovë, ku gjatë javës paraardhëse ishin raportuar vetëm katër raste. Së bashku, Tetova dhe Kumanova përbëjnë pothuajse 64 përqind të të gjitha rasteve të evidentuara në vend.
Shumica e të prekurve, konkretisht 84 persona, i përkasin grupmoshës 15 deri në 64 vjeç. Tek personat mbi 65 vjeç janë shënuar 25 raste, ndërsa te fëmijët nga pesë deri në 14 vjeç janë evidentuar shtatë raste.
Instituti sqaron se 116 rastet e raportuara nuk janë konfirmuar të gjitha përmes analizave laboratorike, pasi monitorimi epidemiologjik javor përfshin edhe sëmundjet që shfaqin simptoma të ngjashme me gripin.
Pavarësisht shtimit të rasteve, aktiviteti i gripit vazhdon të vlerësohet në nivel ndërsezonal. Incidenca është 6.3 raste për 100,000 banorë, ndërsa pragu për kalimin në aktivitetin sezonal është 7.32 raste për 100,000 banorë.
Si rrjedhojë, vala sezonale ende nuk konsiderohet zyrtarisht e nisur dhe kulmi i sezonit mbetet i papërcaktuar. Megjithatë, rritja e regjistruar nga një javë në tjetrën tregon se numri i pacientëve po shtohet përpara fillimit të dimrit.
Që prej nisjes së sezonit 2026/2027, në vend janë regjistruar gjithsej 343 raste të gripit dhe sëmundjeve të ngjashme me gripin. Prej tyre, 127 raste i përkasin zonës së Tetovës.
ISHP-ja thekson se vaksinimi mbetet mënyra kryesore për t’u mbrojtur nga gripi sezonal, veçanërisht për të moshuarit, personat me sëmundje kronike, gratë shtatzëna, fëmijët e vegjël dhe punonjësit e kujdesit shëndetësor.
Reshjet e shumta të shiut kanë shkaktuar vërshime uji në zonën e Thethit, ku banorët po përballen me probleme që…
Kryebashkiaku i Tiranës, Erion Veliaj, ka kallëzuar penalisht për shpërdorim detyre drejtoreshën e Përgjithshme të Burgjeve, Sadleva Bodo, lidhur me…
Etrit Berisha ka folur pas ndeshjes së fituar së Kombëtares me rezultatin 2-0 ndaj Finlandës. Portieri i Kombëtares ishte i…
Kombëtarja e Izraelit tashmë gjendet në Kosovë, aty ku nesër do të luajë ndaj Kombëtares së Kosovës në stadiumin “Fadil…
Përzgjedhësi i Izraelit, Ran Ben Shimon ka konfirmuar se Roy Revivo dhe Manor Solomon po i nënshtrohen testeve mjekësore, ndërsa…
Pio Esposito edhe një herë e vodhi vëmendjen me ekipit kombëtar të Italisë. I lindur në vitin 2005, ai shënoi…