Kryetari i ASH-së, Arben Taravari, bëri të ditur se sot u takua me ambasadorin e BE-së në Maqedoninë e Veriut, Michalis Rokas. Në takim, ata biseduan për integrimin e vendit në Bashkimin Evropian.
Taravari nënvizoi rëndësinë e përshpejtimit të procesit të anëtarësimit në BE.
None found
Në një njoftim në rrjetet sociale, ai e cilësoi takimin me ambasadorin Rokas si të frytshëm dhe produktiv. Sipas tij, diskutimi u përqendrua te zhvillimet politike, perspektiva evropiane e Maqedonisë së Veriut dhe domosdoshmëria për të ecur më shpejt në rrugën e integrimit.
Taravari vlerësoi se vendi gjendet përpara një çasti të rëndësishëm dhe se vizita e fundit e presidentes së Komisionit Evropian, Ursula von der Leyen, ka sjellë një momentum të ri, që duhet shfrytëzuar plotësisht.
Ai theksoi se tani nevojiten veprime konkrete, përfshirë miratimin e ndryshimeve kushtetuese dhe vijimin e reformave që do ta çojnë vendin përpara drejt BE-së.
Taravari shtoi se integrimi evropian vazhdon të jetë përparësi dhe rruga drejt një të ardhmeje me zhvillim, stabilitet e prosperitet më të madh./Telegrafi/
Ministria e Punëve të Brendshme (MPB) ka nënshkruar kontratë në vlerë mbi 2.1 milionë euro për furnizim me dokumente blanko…
Komandanti i KFOR-it, gjeneralmajor Roberto Vergori, kryesoi ceremoninë e dorëzimit të detyrës për postin e zëvendëskomandantit në selinë e KFOR-it.…
Kryetari i ASH-së, Arben Taravari njofton se sot ka takuar ambasadorin e BE-së, Michalis Rokas me të cilin ka biseduar…
Përparimet në analizat e ADN-së kanë ndihmuar autoritetet amerikane të lidhin vrasësin serial, Ted Bundy me vrasjen e 17-vjeçares Melissa…
Një punonjëse e një parku të kafshëve të egra në jug të Holandës ka ndërruar jetë nga plagët e marra…
Izraelitët iu drejtuan kutive të votimit në zgjedhjet e para parlamentare që nga masakra e 7 tetorit 2023, në një…