Pas protestave të prindërve dhe arsimtarëve mbi hapjen e një klase të pestë në gjuhën shqipe për nxënësit e klasës së parë, zëvendësministri i Arsimit, Driton Sulejmani, sqaroi se në shkollën fillore “Petar Zdravkovski Penko” janë parashikuar katër paralele shqip, njëlloj si një vit më parë. Sipas tij, ky planifikim është bërë automatikisht bazuar në të dhënat ekzistuese.
None found
Sulejmani përkrah qëndrimin e Komunës së Butelit, sipas të cilit në këtë institucion arsimor pranohen vetëm ata fëmijë nga Komuna e Çairit që kanë vëllezër ose motra tashmë të regjistruar atje. Për pasojë, një numër i konsiderueshëm nxënësish që banojnë në afërsi të shkollës, por nuk plotësojnë këtë kriter, mbeten jashtë.
Kur u pyet nëse një praktikë e tillë ekziston diku në botë, zv.ministri pranoi se nuk ka precedentë, por theksoi se masa e ndërmarrë është një zgjidhje me karakter praktik. Ai shpjegoi se, sipas rajonizimit të miratuar nga Këshilli Komunal i Butelit, nxënësit që u përkasin komunave të tjera nuk kanë të drejtë regjistrimi në këtë shkollë. Megjithatë, për shkak të lehtësirave të bëra në të kaluarën dhe për të mos i penalizuar këta fëmijë — edhe për afërsinë gjeografike, edhe për lidhjet familjare me nxënës ekzistues — u vendos që të mos ndërpritet kjo mundësi.
Nga ana tjetër, këshilltarët e Aleancës për Integrim Kulturor (AKI) në Butel akuzojnë zv.ministrin se po përhap informacione të pasakta lidhur me këtë çështje. Sipas tyre, problemi mbetet plotësisht i pazgjidhur dhe regjistrimi i fëmijëve është kryer vetëm pjesërisht, duke u mbështetur ekskluzivisht në faktin nëse ata kishin vëlla ose motër në atë shkollë. Ata kërkojnë zbatimin e nenit 7 të vendimit për rajonizimin, i cili lejon qartë regjistrimin e nxënësve edhe nga komuna të tjera, me kusht që të banojnë në zonën ku ndodhet shkolla.
Ndërkohë, situata mbetet e tensionuar dhe lëvizjet opozitare po bëjnë thirrje për rishikimin e vendimit dhe respektimin e plotë të kuadrit ligjor në fuqi.
13 persona të moshës 18 deri në 46 vjeç janë arrestuar brenda dy ditësh në Shkup, Prilep, Demir Kapi, Bogovinë…
Situata është tensionuar para godinës së Kryeministrisë, ku të rinj janë mbledhur në protestë, duke kërkuar dorëheqjen e kryeministrit Edi…
Punonjësit e Gardës së Republikës kërkojnë rishikimin urgjent të pagave, duke ngritur shqetësimin se nuk po trajtohen financiarisht në përputhje…
Me një postim në “Instagram”, aktorja e njohur Monika Lubonja, ka dhënë një përgjigje për të gjithë ata që e…
Forcat operacionale të Policisë vijojnë patrullimet në disa zona të Tiranës, me qëllim identifikimin dhe shoqërimin e personave të dyshuar…
Dialogu mbetet kusht kyç që Kosova dhe Serbia të përparojnë drejt Bashkimit Evropian, ndërsa mungesa e progresit do të ketë…