Radhë të gjata në Bogorodicë, deri në 2 orë pritje për të dalë nga Maqedonia

Udhëtarët që synojnë Greqinë përmes vendkalimit kufitar “Bogorodica” po hasin sot vështirësi të konsiderueshme, teksa radhët shtrihen për rreth dy orë në dalje të shtetit. Të dhënat e LAMM-it tregojnë se fluksi i lartë i makinave ka sjellë mbipopullimin e kësaj pike, ndërkohë që në “Tabanocë” hyrja në vend zgjat afërsisht gjysmë ore.

Në pjesën tjetër të kufijve maqedonas, nuk raportohen pritje të zgjatura as për hyrje, as për dalje.

Drejtuesve të automjeteve u kërkohet nga LAMM të përshtatin shpejtësinë, t’u binden tabelave rrugore dhe të jenë vigjilentë pas timonit. Kujdes i shtuar është i domosdoshëm në akset që përshkojnë lugina, gryka dhe zona pranë shtretërve të lumenjve, për shkak të rrezikut të rrëshqitjeve të tokës.

Udhëtimi i kujdesshëm theksohet veçanërisht në segmentet Katllanovë–Veles, Mavrovë–Dibër–Strugë, Vinicë–Berovë si dhe Koçan–Dellçevë.