LAMM: Mbi një orë pritje në vendkalimin kufitar Bogorodicë

Rritja e numrit të automjeteve ka shkaktuar kolona në disa pika kufitare, njoftoi LAMM. Në vendkalimin “Bogorodicë”, udhëtarët presin më shumë se një orë për të dalë nga shteti, ndërsa procedurat për hyrje zgjasin një orë.

Në “Tabanoc”, pritja për hyrje është më e gjatë se një orë, kurse për dalje nevojiten rreth 30 minuta. Kolona janë krijuar edhe në “Pelince”, ku për hyrje pritet afërsisht një orë dhe për dalje 30 minuta.

Në vendkalimet e tjera kufitare nga ana e Maqedonisë nuk raportohen vonesa më të gjata gjatë hyrjes apo daljes nga shteti.

Qarkullimi në rrugët e vendit zhvillohet pa ndërprerje, ndërsa intensiteti në akset jashtë zonave urbane është i rritur.

LAMM u bën thirrje drejtuesve të mjeteve që ta përshtatin shpejtësinë, të zbatojnë sinjalistikën rrugore dhe të tregojnë kujdes gjatë vozitjes. Vëmendje e veçantë kërkohet në rrugët që përshkojnë lugina, lugina lumenjsh dhe gryka, për shkak të rrezikut nga rrëshqitjet e dheut. Paralajmërimi vlen për akset Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.