QMK: Nga 22 zjarre në hapësira të hapura, shtatë mbeten aktive

Në territorin e vendit, deri në orën 18:00, janë evidentuar 22 zjarre në ambient të hapur. Prej tyre, shtatë vazhdojnë të jenë aktive, dy janë vënë nën kontroll, ndërsa 13 janë shuar.

Sipas njoftimit të Qendrës për Menaxhim me Kriza, vatrat aktive ndodhen në zonën e fshatrave Moranë – Vërtekic – Gaber, ku digjet pyll i përzier, si dhe në Batincë, në Komunën e Studeniçanit.

Zjarre aktive ka edhe në fshatin Paligrad, ku janë përfshirë bimësi e ulët dhe pyll, si dhe në vendin e quajtur Vidush, te fshati Dragov Doll dhe fshati Llokvicë, në Komunën e Zelenikovës. Në këtë zonë digjen bimësi e ulët, pyll me kërcell të ulët dhe shkurre.

Aktive mbeten edhe vatrat në fshatin S’lp, në komunën e Gorno Sello, si dhe në komunat Veles dhe Zelenikovë, në territorin e Komunës së Velesit. Zjarri është zgjeruar drejt fshatit Karabunjiste, fshatit Buzallkovë dhe fshatrave Dobrinë e Tisovicë, në Komunën e Zelenikovës, duke përfshirë bimësi të ulët, pyll lisi dhe shkoze, si dhe pyll lisi cilësor.

Në fshatrat Kopance dhe Tudence, në Komunën e Jegunovcit, zjarri në pyllin e përzier është përhapur drejt fshatit Bojanë, në Komunën e Sarajit. Një tjetër vatër aktive është regjistruar në fshatin Çanishte, në Komunën e Prilepit, ku digjet bimësi e ulët.

Dy zjarret që janë vënë nën kontroll ndodhen në deponitë e mbeturinave në fshatin Zheleznicë, në rajonin e Kratovës, dhe në Dellçevë.

Nga 13 zjarret e shuara, njëri ishte në fshatin Tabanocë, në vendin e quajtur Slanishtë, në Komunën e Kumanovës, ku ishte përfshirë bimësi e ulët.

Në Komunën e Krushevës janë shuar dy vatra: e para në fshatrat Aldanci dhe Norovo, ku digjeshin bimësi e ulët dhe pyll lisi i degraduar me kërcell të ulët, ndërsa e dyta në fshatrat Borino dhe Zhitoshe, ku ishin përfshirë bimësi e ulët dhe pyll lisi i degraduar.

Në Komunën e Prilepit është shuar zjarri në vendin e quajtur Toçila, i cili kishte përfshirë bimësi të ulët dhe drithëra. Është shuar edhe vatra mes fshatrave Vrapçe dhe Belo Pole, në Komunën e Dollnenit, ku digjej bimësi e ulët.

Ndërhyrjet kanë përfunduar edhe në fshatin Kazhani, në Komunën e Manastirit, ku ishte përfshirë bimësi e ulët, si dhe në një fermë në Resnjë, në Komunën e Resnjës, ku digjeshin fidanë molle.

Të shuara janë gjithashtu vatrat në fshatin Balkanska, në Komunën e Shtipit, ku digjej bimësi e ulët, dhe në fshatin Cerovë, në Komunën e Zhelinës, ku zjarri kishte përfshirë bimësi të ulët, shkurre dhe pyll me kërcell të ulët.

Në fshatin Furka, në Komunën e Dojranit, është shuar zjarri që kishte përfshirë bimësi të ulët dhe manaferra, ndërsa në fshatin Delogozhdë, në Komunën e Strugës, është lokalizuar dhe shuar vatra në bimësi të ulët.

Është shuar edhe zjarri në deponinë e fshatit Rosoman, në Komunën e Rosomanit, si dhe vatra përgjatë rrugës nga fshati Koliçani drejt fshatit Pagarushë, në Komunën e Studeniçanit, ku ishin përfshirë bimësi e ulët dhe mbeturina.