Qendra për Menaxhim me Kriza njoftoi se gjatë ditës janë evidentuar gjithsej 11 zjarre në hapësira të hapura. Prej tyre, tetë janë shuar, një është vendosur nën kontroll, ndërsa dy vazhdojnë të jenë aktive.
None found
Të dhënat e mbledhura deri në orën 18:00 tregojnë se një nga zjarret aktive ndodhet pranë fshatit Rapesh, në Komunën e Novacit, ku flakët kanë përfshirë bimësi të ulët. Zjarri tjetër është regjistruar afër fshatit Govrlevë, në Komunën e Sopishtes, dhe ka përfshirë bimësi të ulët dhe pyje me kërcell të ulët.
Ndërkohë, është vënë nën kontroll zjarri përgjatë shtegut që lidh fshatin Belicë, në Komunën e Makedonski Brodit, me lokalitetin Jasen, në Komunën e Sopishtes. Në këtë zonë janë prekur pyje të përziera dhe pyje me kërcell të ulët.
Tetë vatrat e shuara gjatë ditës ishin në sipërfaqe të hapura. Ato u regjistruan pranë fshatit Raoviq, në Komunën e Sarajit; në rrugët “Alpi” dhe “Boro Menkov”, në Komunën e Butelit; afër fshatit Mralinë, në Komunën e Ilindenit; ndërmjet fshatrave Ednokuçevë dhe Monospitovë, në Komunën e Bosilovës; në rrugën “Vera Ciriviri” në Veles; si dhe pranë fshatrave Vranishtë dhe Misleshevë, në rajonin e Strugës.
Deputeti i Lidhjes Demokratike të Kosovës, Ermal Sadiku, ka thënë se pas aktgjykimit të sotëm të Dhomave të Specializuara do…
Mungesa e prokurorëve publikë, kushtet e papërshtatshme hapësinore dhe financimi i kufizuar janë sfidat kryesore për Prokurorinë Publike, vlerësoi kryeprokurori…
Pas përfundimit të fjalimeve te godina e Kryeministrisë, protesta popullore ka kaluar në një tjetër fazë përshkallëzimi. Qytetarët dhe aktivistët…
Këshilli i Ministrave ka zhvilluar sot mbledhjen e radhës, ku miratoi disa vendime dhe projektligjin për krijimin dhe menaxhimin e…
Në ditën e 109-të të protestës, ish-luftëtari i UÇK, Dritan Goxhaj mbajti një fjalim shumë të fortë, pikërisht pas vendimit…
Besnik Hasi po ndërton një Amedspor me një identitet të qartë taktik, ku fleksibiliteti në formacion, organizimi defensiv dhe kalimi…