QMK: 13 zjarre në hapësira të hapura të raportuara në Maqedoni gjatë 24 orëve të fundit

Qendra për Menaxhim me Kriza njoftoi këtë mëngjes se gjatë 24 orëve të fundit në vend janë evidentuar gjithsej 13 zjarre. Sipas të dhënave, asnjë prej tyre nuk është aktiv, një është vënë nën kontroll dhe 12 janë shuar.

Zjarri në afërsi të fshatrave Belicë dhe Jasen ka përfshirë pyje me rritje të ulët dhe pyje të përziera. Ai vazhdon të digjet, por aktualisht është nën kontroll.

Ekipet zjarrfikëse kanë ndërhyrë gjithashtu në raste zjarresh në Bosilovë, Bogdanci, Novaci, Probishtip, Shtip, Aerodrom, Kumanovë, Dollnen, Veles dhe Demir Hisar.

Flakët kanë përfshirë sipërfaqe të ndryshme, përfshirë bimësi të ulët, bar të thatë, kashtë e shkurre, si dhe deponi e hapësira me mbeturina. Në Demir Hisar, zjarri është shfaqur mes fshatit Mrenoga dhe manastirit “Shën Athanasius”, ku janë djegur pyll lisi dhe bar i thatë.