OBRM-PDUKM akuzon: Filipçe i heshtur për përgjegjësinë e Limanit në krizën e ujit të Gostivarit

Sipas OBRM-PDUKM-së, Lidhja Socialdemokrate ka demonstruar hipokrizi të plotë në rastin e Gostivarit, ku kryetari Venko Filipçe ruan heshtje, mbron të vetët dhe nuk kërkon llogari nga zyrtarët që ai i mbështeti fuqishëm gjatë zgjedhjeve të jashtëzakonshme lokale.

Partia akuzon se Filipçe bëri thirrje hapur për t’i dhënë besim Valbon Limanit, edhe pse administrata lokale në Gostivar – ku bëjnë pjesë LSDM, BDI dhe Arben Taravari – nuk arriti ta menaxhonte situatën e ndotjes së ujit të pijshëm.

Realiteti është se autoritetet vendore nuk reaguan në kohë për të ruajtur shëndetin e banorëve, çka e detyroi Qeverinë dhe institucionet qendrore të ndërhyjnë në mënyrë urgjente. U shpërnda ujë i ambalazhuar, u vendos furnizim për nevoja teknike dhe po punohet me shpejtësi që gjendja të normalizohet dhe uji të bëhet sërish i sigurt për konsum.

OPRM-PDUKM-ja vlerëson se LSDM nuk ka të drejtë morale të flasë për përgjegjshmëri, për sa kohë që i justifikon njerëzit e saj dhe anashkalon gabimet e tyre. Nëse ata sinqerisht e mbështesin përgjegjësinë politike, le të fillojnë nga vetja. Sipas tyre, LSDM dhe Filipçe japin ligjërata mbi moralin, thërrasin për dorëheqje dhe paraqiten si luftëtarë për llogaridhënie, por kur preken zyrtarët e tyre, mbyllin gojën. Filipçe hesht dhe nuk kërkon përgjegjësi nga kandidati i tij, Valbon Limani, i cili drejton qytetin.