Nikolloski dhe Tiganj diskutojnë bashkëpunimin ekonomik dhe përparimin evropian të Maqedonisë

Zëvendëskryeministri dhe ministri i Transportit, Aleksandar Nikolloski, zhvilloi sot një takim me ambasadoren e Republikës së Kroacisë, Nives Tiganj.

Gjatë bisedës u trajtuan çështje që lidhen me marrëdhëniet ekonomike, zhvillimin e rajoneve dhe procesin e integrimit evropian të Maqedonisë.

Nikolloski dhe Tiganj nënvizuan se ekzistojnë mundësi të mëtejshme për forcimin e shkëmbimeve ekonomike e tregtare, si dhe për vendosjen e lidhjeve të reja mes kompanive të të dyja vendeve, të cilat kanë marrëdhënie tradicionalisht të mira.

Duke folur për infrastrukturën, ministri theksoi se Qeveria mbetet e përkushtuar ndaj realizimit të projekteve infrastrukturore. Në këtë kuadër, vëmendje e veçantë do t’u kushtohet investimeve kapitale, të cilat ndikojnë në zhvillimin rajonal, rritjen e lidhshmërisë dhe krijimin e kushteve për zhvillim ekonomik.

Ambasadorja Tiganj konfirmoi se Kroacia vazhdon të jetë partnere dhe mbështetëse e rëndësishme e rrugëtimit evropian të Maqedonisë, si edhe e reformave që po zbatohen në vend.

Takimi u përmbyll me shprehjen e gatishmërisë së të dyja palëve për të avancuar bashkëpunimin në sektorët me interes të përbashkët, duke u mbështetur në frymën e miqësisë dhe partneritetit tradicional mes dy vendeve./Telegrafi/