Categories: maqedoni

Mustafa Dauti: Në dy vite Dogana ka bllokuar rreth 400 kg drogë, 5 kg ar dhe mbi 2 milionë euro

Zv.drejtori i Doganave të Maqedonisë së Veriut, Mustafa Dauti, ishte i ftuar në emisionin “PodGo”, ku foli për veprimtarinë e doganierëve, kushtet e punës, si dhe mallrat që tentohen më shpesh të kontrabandohen.

Sipas Dautit, institucioni po funksionon me angazhim dhe seriozitet të lartë, duke e përshkruar këtë si një nga periudhat më efikase të Doganës.

Të lidhura

None found

Gjatë dy viteve të fundit, Dogana ka sekuestruar rreth 400 kilogramë drogë, afërsisht 5 kilogramë ar dhe më shumë se 2 milionë euro para kesh. Gjithashtu, janë konfiskuar mbi 50 mijë ilaçe.

Dauti deklaroi se kontrollet e shtuara synojnë mbrojtjen e qytetarëve dhe bizneseve. Përveç kontrolleve në pikat kufitare, në terren vepron edhe njësiti mobil, i cili kryen kontrolle të paparalajmëruara në rrugë.

Ndër produktet që kontrabandohen më shpesh, ai përmendi drogën, arin, cigaret, barnat dhe artikuj të ndryshëm tekstili. Ai shtoi se Dogana kujdeset veçanërisht që në treg të mos hyjnë produkte jocilësore, ndërsa ekspertët e institucionit verifikojnë standardet e tyre për të mbrojtur shëndetin e njerëzve.

Paratë e sekuestruara dërgohen në Bankën Popullore, ndërsa droga dhe armët i dorëzohen Ministrisë së Punëve të Brendshme, ku më pas asgjësohen. “Jemi duke punuar me përkushtim dhe seriozitet, sepse gjithçka është në dobi të shtetit dhe qytetarëve. Mendoj se sekuestrimi i mbi 50 mijë ilaçeve dhe sasive të tjera të konfiskuara nuk është një punë e vogël”, tha Dauti.

I pyetur për procedurën e importimit të automjeteve, zv.drejtori shpjegoi se Dogana përdor një platformë të posaçme ku regjistrohen të gjitha të dhënat e veturës. Pasi ajo paraqitet në terminalet doganore, sistemi përcakton automatikisht shumën që duhet paguar.

Ai theksoi se sistemi i ri nuk lejon manipulime, pasi ekzistojnë kontrolle që verifikojnë nëse i njëjti automjet është zhdoganuar me të njëjtin çmim. Dauti shtoi se për keqpërdorime të kryera në të kaluarën ka pasur raste të panumërta të dërguara në Prokurori.

Lidhur me porositë online nga jashtë vendit, Dauti tha se kompanitë e huaja i paguajnë tatimet ndaj shtetit. Ai sqaroi se në dhjetor të vitit të kaluar ndryshoi ligji për këto porosi: më herët, për dërgesat deri në 22 euro nuk kishte asnjë detyrim, ndërsa tani TVSH-ja duhet paguar për produktet deri në 90 euro. Për vlerat mbi 90 euro aplikohet edhe detyrimi doganor, i cili përfshihet në çmimin e produktit dhe nuk paguhet veçmas nga qytetarët.

Dauti bëri të ditur gjithashtu se doganierët e Maqedonisë së Veriut marrin trajnime brenda dhe jashtë vendit, në bashkëpunim me organizata të huaja./Telegrafi/

të fundit

Federico Valverde dhe Real Madridi gjejnë akordin për rinovimin e kontratës deri në vitin 2031

Real Madridi ka arritur marrëveshje me Federico Valverden për vazhdimin e kontratës deri në vitin 2031, ndërsa mesfushori uruguaian pritet…

4 minutes ago

Së bashku për buzëqeshjet e fëmijëve: 8 karroca të personalizuara për Qendrën Jonathan

Në një akt solidariteti dhe mbështetjeje për fëmijët me sindromën Down, ABI Bank, përmes platformës Smile, së bashku me Credins Bank kanë…

9 minutes ago

Video/ Flooding again on Rruga e Arbrit in Bulqiza, water covers asphalt and puts vehicles at risk

Reshjet e dendura të shiut gjatë mbrëmjes së kaluar kanë shkaktuar probleme në Rrugën e Arbrit, në segmentin që lidh…

10 minutes ago

Një në katër banorë të Maqedonisë së Veriut synon emigrimin, 11.9% kanë plane dhe hapa konkretë për t’u larguar

26.1% e qytetarëve të Maqedonisë së Veriut kanë ndërmend të shpërngulen për të jetuar dhe punuar jashtë vendit, ndërsa 11.9%…

10 minutes ago

Fation Shehu appointed director general of Customs

Fation Shehu, është emëruar drejtor i Përgjithshëm i Doganave, duke zëvendësuar në këtë detyrë Besmir Bejën, i cili është larguar…

10 minutes ago

Lethal injection execution in US turns into torture, 70-year-old suffers 63 minutes before being pronounced dead

Një ekzekutim me injeksion vdekjeprurës në Teksas ka përfunduar në një proces të gjatë dhe të dhimbshëm për një të…

10 minutes ago