Portali kombëtar për shërbime elektronike uslugi.gov.mk shënoi në shtator nivelin më të lartë të përdorimit që prej krijimit të tij, me përjashtim të shërbimit për vauçerët e TIK-së, përmes të cilit u shërbyen mbi 50 mijë studentë. Gjatë këtij muaji, qytetarët dhe kompanitë dorëzuan 27.345 kërkesa elektronike. Sipas Ministrisë së Transformimit Digjital, totali i kërkesave të paraqitura në portal arriti në 405.881, duke kaluar kufirin prej 400.000.
None found
MTD-ja e lidh këtë rritje me zgjerimin e shërbimeve të ofruara online, lehtësimin e procedurave dhe bashkëpunimin gjithnjë e më të madh me institucionet që po i vendosin shërbimet e tyre plotësisht në internet.
Ndër bashkëpunimet e veçuara është ai me Entin Shtetëror për Statistikë. Në periudhën e fundit, së bashku me këtë institucion janë digjitalizuar dhe publikuar disa shërbime, përfshirë ato që u dedikohen studentëve dhe komunitetit akademik.
Ministri i Transformimit Digjital, Stefan Andonovski, deklaroi se këto të dhëna dëshmojnë se qytetarët po e kuptojnë gjithnjë e më shumë rëndësinë e shërbimeve elektronike.
“Rezultati prej 27.345 kërkesash vetëm brenda një muaji është më i larti që nga themelimi i portalit. Po aq e rëndësishme është edhe tejkalimi i shifrës së përgjithshme prej 400.000 kërkesash. Kjo dëshmon se qytetarët i përdorin shërbimet kur ato janë të thjeshta, të qasshme dhe tërësisht elektronike. Synimi ynë është që një numër sa më i madh procedurash të përfundojë nga shtëpia ose përmes telefonit celular, pa sportele, pritje të panevojshme dhe pa transferuar dokumente nga një institucion në tjetrin”, tha Andonovski.
Ministria e Transformimit Digjital vijon koordinimin me institucionet për të digjitalizuar shërbime të tjera, për t’i ndërlidhur ato përmes Platformës së ndërveprimit dhe për ta bërë më të thjeshtë përdorimin e Portalit kombëtar.
Prioritet u jepet shërbimeve që përdoren më shpesh nga qytetarët dhe kompanitë, si dhe atyre ku digjitalizimi mund të kursejë më shumë kohë dhe të ulë shpenzimet administrative.
Sipas MTD-së, rezultati i shënuar në shtator përbën një tjetër dëshmi se shërbimet elektronike po shndërrohen gradualisht në mënyrën standarde të komunikimit ndërmjet qytetarëve dhe institucioneve.
Pronari i Milanit, Gerry Cardinale, ka folur për planet e klubit italian në afatin kalimtar të janarit, duke konfirmuar se…
Ndërsa vëmendja ndërkombëtare është përqendruar te konflikti me Iranin, Koreja e Veriut po zgjeron infrastrukturën e saj bërthamore. [...] Read…
Dashi Nuk do keni aspak dyshime sot ne jetën tuaj ne çift dhe do ndiheni gati te hidhni hapa me…
Dy gjëra mund të përshpejtojnë plakjen biologjike — Klan Kosova [...]Read More...
Donat Rrudhani dhe Rilind Nivokazi kanë shkëlqyer në fitoren e Sionit ndaj Servettes, duke shënuar nga një gol në triumfin…
Real Madridi ka shënuar fitore me përmbysje ndaj Celta Vigos, duke triumfuar me rezultat 2-1 në ndeshjen e vlefshme për…