Ministria e Jashtme e Maqedonisë këshillon shmangien e udhëtimeve drejt Iranit

Ministria e Punëve të Jashtme e Maqedonisë së Veriut apelon deri te të gjithë shtetasit e Republikës së Maqedonisë së Veriut që të mos udhëtojnë në Republikën Islamike të Iranit, për shkak protestave të dhunshme në pjesë të ndryshme të vendit, veçanërisht në Teheran.

Ndërsa, nëse shtetasit tanë ndodhen në territorin e Iranit, Ministria e Punëve të Jashtme u bën thirrje të qëndrojnë në vende të sigurta, të shmangin tubimet publike dhe nëse nuk kanë arsye të rëndësishme, të largohen nga vendi.

Për informata shtesë, të gjithë qytetarët tanë, të cilët ndodhen brenda apo jashtë vendit, duhet të ndjekin vetëm kanalet zyrtare të Ministrisë së Punëve të Jashtme, rrjetet sociale të Ministrisë dhe Ambasadës së Maqedonisë së Veriut në Sofje, si përfaqësi diplomatiko-konsullore përgjegjëse për Iranin.

Njëkohësisht, qytetarët tanë mund të kontaktojnë në numrin e telefonit të kujdestar të Ministrisë së Punëve të Jashtme +389 75 273 732 dhe në adresën elektronike: globalsos@mfa.gov.mk

Ministria e Punëve të Jashtme do të vazhdojë të ndjekë situatën në Iran dhe të informojë në kohë për udhëzimet e mundshme për veprim për qytetarët tanë./ina