Mickoski paralajmëron shtim të çmimeve të karburanteve gjatë ditës së nesërme

Hristijan Mickoski, kryeministri i vendit, deklaroi se nesër pritet një rritje e çmimit të derivateve të naftës, ku nafta mund të shtrenjtohet nga 2 deri në 2,5 denarë, ndërsa benzina afërsisht për 1 denarë.

Sipas tij, pavarësisht kësaj lëvizjeje, vendi vazhdon të ketë derivatet më të lira në rajon. Ai theksoi se kjo rritje lidhet me shtrenjtimin e çmimeve në tregjet ndërkombëtare.

“Sipas kalkulimeve tona, kemi rritje të naftës në javën e kaluar në bursat botërore, 5%-6%, dhe rritje të vogël të benzinave për 2-3%. Pres të kemi rritje për 2-2,5 denarë për litër naftë dhe rreth 1 denarë për benzinën, por të shohim Komisioni Rregullator t’i tregojë numrat e fundit”, tha mes tjerash Mickoski.