Mickoski: Nëse opozita kërkon zgjedhje të parakohshme, do t’i përgjigjemi dhe do t’i fitojmë

Kryeministri Hristijan Mickoski deklaroi se qeveria e tij është e gatshme të përballet me zgjedhje të parakohshme kuvendare, nëse kjo është kërkesa e opozitës. Ai theksoi se në një rast të tillë nuk do të tërhiqen apo të sillen si frikacakë, por do ta pranojnë kërkesën.

Sipas Mickoskit, qytetarët nuk kërkojnë të shkojnë sërish në zgjedhje, por presin reforma dhe vijim të proceseve që po drejtohen nga Qeveria aktuale. Në këtë kontekst, ai rikujtoi edhe krahasimin e bërë më herët, sipas të cilit performanca e kësaj Qeverie është 3 me 1 në raport me qeverinë e kaluar.

Kryeministri shtoi se koalicioni qeverisës e ka marrë nga qytetarët mandatin për të qeverisur për katër vjet.

“Ajo që thashë dje dua ta përsëris: nëse opozita vlerëson se zgjedhjet e parakohshme janë të domosdoshme, ne nuk do të qëndrojmë mënjanë si frikacakë. Do t’i përgjigjemi pozitivisht kësaj kërkese dhe, natyrisht, do t’i fitojmë zgjedhjet”, tha Mickoski.