Në Maqedoninë e Veriut janë të regjistruara mbi 38 mijë gra si fermere, por shumë prej tyre nuk kanë siguri financiare dhe mbështetje të barabartë përmes pushimit të lehonisë, sigurimit shëndetësor apo mbrojtjes sociale.
None found
Këto çështje u diskutuan në panelin “Të korrat pa emrin e saj: Gratë rurale dhe puna e padukshme”, organizuar në Europe House në Strumicë, në kuadër të fushatës “Vish ndryshimin”. Fushata është iniciuar nga Delegacioni i Bashkimit Evropian dhe ambasadat e vendeve anëtare.
Të dhënat e paraqitura tregojnë se më 2021, vetëm 4,1 për qind e grave në zonat rurale figuronin si pronare të pronave. Në të gjithë vendin, toka është në pronësi të vetëm 12 për qind të grave.
Gjatë diskutimit u shqyrtuan edhe arsyet e kësaj pabarazie, ndër to traditat që ndikojnë në trashëgiminë. Ndonëse ligji u njeh vajzave të drejtën për të trashëguar, shumë prej tyre heqin dorë nga pjesa e tyre në favor të vëllezërve, mes ndikimit të zakoneve të kahershme dhe bindjes se pas martesës vajza do t’i “përkasë një familjeje tjetër”.
Paneli vuri në pah pengesat tradicionale që i shtyjnë vajzat të heqin dorë nga trashëgimia. Mesazhi përmbyllës ishte se puna dhe kontributi i grave fermere duhet të shoqërohen me të drejta dhe mundësi të barabarta.
Ballkani ka marrë një fitore të rëndësishme në derbin e javës së 14-të në Superligën e Kosovës, duke e mposhtur…
Më 22 nëntor 1963, Shtetet e Bashkuara dhe e gjithë bota u tronditën nga lajmi për vrasjen e presidentit amerikan…
Çështja e himnit shqiptar në Pustec u rikthye në vëmendje gjatë konferencës së përbashkët për shtyp të kryeministrit të Shqipërisë,…
Negociatat për klimën në Antalia të Turqisë kanë hyrë në një ngërç të paprecedentë, duke rrezikuar seriozisht arritjen e një…
Kryeministri Edi Rama është përplasur me një gazetar shqiptar në Maqedoninë e Veriut, i cili e pyeti për marrëdhëniet e…
Deputetja e Lidhjes Demokratike të Kosovës, Hykmete Bajrami, i ka drejtuar një pyetje publike Zyrës së Rregullatorit për Energji (ZRRE),…