LSDM: Qytetarët e Gostivarit nuk mund t’i mashtroni se jeni të pafajshëm

OBRM-PDUKM po provon edhe një herë t’ia hedhë fajin për helmimin e Gostivarit “njerëzve të LSDM-së”.

Nga LSDM i drejtohen Brane Petrushevskit me pyetjen: “Si lidhen punonjësit në Gostivar me LSDM-në?”.

Ata theksojnë se si forcë politike nuk kanë ushtruar asnjëherë pushtetin në këtë qytet dhe se i gjithë vendi e di këtë realitet.

“E keni vënë veten në pozitë të vështirë. Është koha të dilni dhe të pranoni realitetin. Vetëm atëherë mund të vijë drejtësia dhe njëri prej jush do të duhet të marrë përgjegjësinë.

Nuk mund të helmoni një qytet të tërë, plus shtatë të tjerë, të ndotni lumenjtë Lepenc e Vardar dhe helmi të arrijë deri në Shkup, e pastaj askush nga grupi juaj të mos përgjigjet.

Struktura juaj kriminale OBRM-PDUKM kontrollon të gjithë pushtetin. Deri dje mburreshit me pushtetin vendor, atë qendror, përfshirë kryeministrin, kreun e OKG-së dhe presidentin.

Tani trillimet dhe të pavërtetat nuk ju shërbejnë më. Të gjitha levat e pushtetit dhe institucionet janë në duart tuaja. Por jo për shumë kohë.

Derisa pushteti t’u rikthehet qytetarëve. Dhe ju, në përputhje me ligjin dhe para një gjykate të pavarur, do të përballeni me pasoja për çdo krim të kryer”, deklarojnë nga LSDM.