LSDM: Mickoski pranoi më në fund se korniza negociuese me BE-në nuk mund të ndryshohet

LSDM deklaron se kryeministri Hristijan Mickoski e ka pranuar më në fund se nuk mund të ketë ndryshime në kornizën negociuese dhe se, sipas tyre, ai po e pengon me vetëdije vendin.

“Pas dy vitesh gënjeshtrash, Hristijan Mickoski më në fund e pranoi atë që LSDM e ka thënë që në fillim.

Sipas LSDM-së, Mickoski ka deklaruar se nuk pret ndryshim të kornizës negociuese me Bashkimin Evropian, pasi për një gjë të tillë nevojitet konsensus nga të gjitha shtetet anëtare. Kjo, theksojnë ata, ishte thënë edhe dy vjet më parë nga ekspertët, nga LSDM dhe nga vetë Bashkimi Evropian.

Megjithatë, shtojnë nga LSDM, në kohën kur këtë e thoshin të tjerët, Mickoski dhe grupi kriminal OBRM-PDUKM i quanin “tradhtarë”. Sipas tyre, për dy vjet me radhë vendi u mbajt peng me premtimin e rremë se korniza negociuese do të ndryshohej.

Nga LSDM thonë se me këtë ai po pranon se premtimet e tij ishin joreale dhe se shërbenin vetëm si propagandë. Sipas tyre, ai po pranon gjithashtu se e gjithë politika e tij ndaj BE-së ishte ndërtuar mbi gënjeshtra.

“Ky është një pranim i falimentimit politik. Mickoski erdhi në pushtet me gënjeshtra. Për dy vjet ai e udhëhoqi vendin në drejtimin e gabuar. Tani, kur nuk ka më ku të fshihet, ai është i detyruar të pranojë të vërtetën”, thonë nga LSDM.