LSDM-ja opozitare paralajmëron se vështirësitë financiare të ALTA Bankës në Serbi mund të ndikojnë edhe te filiali i saj në Maqedoni, “ALTA Banka AD Manastir”. Banka serbe zotëron 97 për qind të aksioneve të bankës maqedonase.
Partia kërkon ndërhyrje të menjëhershme nga Banka Kombëtare, masa për garantimin e depozitave dhe nisjen e një procedure nga Prokuroria. LSDM-ja kërkon gjithashtu që përgjegjësi të mbajnë kryeministri Hristijan Mickoski dhe guvernatori Trajko Sllaveski.
None found
“Banka Kombëtare e Serbisë ia hoqi licencën e veprimtarisë ALTA Bankës a.d. Beograd, për shkak të problemeve me likuiditetin dhe përkeqësimit të gjendjes financiare. Ky vendim përbën një goditje të drejtpërdrejtë sistemike për bankën bija në Maqedoni, ‘ALTA Banka AD Manastir’, ku selia në Serbi zotëron 97 për qind të aksioneve.
Rreziku i përhapjes së krizës është i qartë. Lajmi për falimentimin e Alta Bankës në Serbi mund të krijojë pasiguri të menjëhershme mes depozituesve, të nxisë tërheqje masive të depozitave dhe të shkaktojë krizë likuiditeti.
Ekziston mundësia që, para ose gjatë bllokadës në Serbi, të jenë tentuar transferime të likuiditetit nga selia maqedonase drejt asaj serbe, përmes kredive brenda grupit ose transfertave të dyshimta.
Ligji për Bankat e ngarkon Bankën Kombëtare të veprojë pa vonesë. Meqë pronari në Serbi po falimenton, autoriteti duhet të pezullojë të drejtat e votës, të vendosë administrim emergjent në ‘ALTA Banka AD Manastir’ dhe të kërkojë një blerës të ri ose të nisë likuidimin e saj.
Depozitat e individëve janë të siguruara nga Fondi i Sigurimit të Depozitave deri në 30,000 euro. Ndërkaq, personat juridikë dhe depozituesit që kanë shuma mbi këtë kufi rrezikojnë humbjen e fondeve.
Edhe ndërmarrjet publike kanë depozita në këtë bankë, ndaj ato duhet të mbrohen menjëherë.
Përgjegjësia e Bankës Kombëtare, sipas LSDM-së, është e qartë: blerja e një banke në Maqedoni kërkon miratim paraprak, si dhe kontroll të rreptë të burimit të kapitalit, qëndrueshmërisë financiare dhe reputacionit afarist të blerësit.
Rënia e ALTA Bankës në Serbi, në një kohë rekord pas zgjerimit të saj rajonal, tregon se vlerësimi ka qenë thelbësisht i gabuar. Para hyrjes së saj në Maqedoni pati paralajmërime publike për natyrën kontroverse të Grupit ALTA, pronarin Davor Macura dhe rritjen e shpejtë, të mbështetur te lidhjet politike dhe marrëveshjet shtetërore në Serbi.
LSDM-ja kërkon që Banka Kombëtare të zbatojë sot të gjitha masat ligjore dhe që Prokuroria të nisë po sot një procedurë.
“Hristijan Mickoski dhe guvernatori Trajko Sllaveski e sollën bankën e Vuçiçit në Maqedoni. Tani duhet të mbajnë përgjegjësi.”
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…
Paris Saint-Germaini ka nisur kërkimet për një përforcim në repartin ofensiv për afatin kalimtar të janarit, pasi drejtori sportiv Luis…
Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…
Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…
Durim Halilaj, anëtar i Kryesisë së Aleancës, ka reaguar lidhur me rritjen e borxhit të familjeve në Kosovë përmes mbitërheqjeve…