Islam Abazi tërhiqet nga gara për një mandat të dytë në krye të Prokurorisë së Krimit të Organizuar

Islam Abazi ka bërë të ditur se nuk do të rikandidojë për një mandat të dytë katërvjeçar si drejtues i Prokurorisë Themelore Publike për Ndjekjen e Krimit të Organizuar dhe Korrupsionit.

“Pas tetë vitesh, njeriu duhet ta dijë se mjafton, duhet t’u jepet mundësia edhe kolegëve të tjerë”, u shpreh Abazi, duke i mbyllur kështu dilemat rreth mundësisë së kandidimit të tij për një mandat të ri.

Aktualisht, Këshilli i Prokurorëve Publikë ka hapur konkursin për zgjedhjen e drejtuesit të ardhshëm të kësaj Prokurorie.

Abazi e mori këtë detyrë në nëntor të vitit 2022, pasi më herët, që nga viti 2018, kishte drejtuar Prokurorinë e Lartë Publike në Gostivar. Pas mbarimit të mandatit aktual, ai ka njoftuar se do të rikthehet në atë post.

Zgjedhja e tij u realizua përmes votimit të drejtpërdrejtë nga të gjithë prokurorët publikë në vend, procedurë e përdorur për herë të parë pas ndryshimeve ligjore të bëra në atë periudhë. Abazi mori 66 vota, duke lënë pas kandidatët Ermon Neziri, Villma Ruskova dhe Fatime Fetai.