Kryetari i Qytetit të Shkupit, Orce Gjorgjievski, bëri të ditur se gjatë manifestimit “Nata e Bardhë”, të planifikuar për nesër në mbrëmje, objektet hotelierike brenda territorit të qytetit do të kenë orar të zgjatur me dy orë. Ai njoftoi gjithashtu se udhëtimi me autobusët e NQP-së do të jetë pa pagesë nga ora 18:00 e 3 tetorit deri në orën 5:00 të mëngjesit të 4 tetorit. Edhe hyrja në Kopshtin Zoologjik të Shkupit do të jetë falas.
None found
“Shkupi mirëpret sërish Natën e Bardhë! Ka mbrëmje kur qyteti merr një pamje tjetër: rrugët shndërrohen në skenë, arti afrohet te njerëzit dhe muzika i bashkon ata. Më 3 tetor, kryeqyteti do të jetojë sërish një natë të tillë. Të shtunën, nga ora 19:00 deri në 3:00, sheshet, urat, galeritë, muzetë dhe Çarshia do të ofrojnë përvoja të reja dhe takime që mbahen mend. Ju ftoj ta mbushni qytetin me kureshtje, buzëqeshje e energji dhe të zbuloni fuqinë e tij krijuese”, shkroi Gjorgjievski në Facebook.
Në program përfshihen Muzeu i Qytetit të Shkupit, “Audio Kulturë”, Shtëpia e ndërtuesve, “Mala Stanica”, QKF “Karposh”, Biblioteka e Qytetit, Çifte Hamami, Rruga “Maqedonia” dhe Muzeu i Artit Bashkëkohor.
Gjorgjievski u bëri thirrje qytetarëve të dalin me familjarët, të ftojnë miqtë dhe të zgjedhin pikën e parë të vizitës. “Lejojeni Shkupin t’ju befasojë me diçka që nuk e keni parë, dëgjuar apo përjetuar më parë. Nata e Bardhë u kushtohet të gjitha moshave, atyre që e duan qytetin dhe atyre që ende nuk e kanë zbuluar. Më 3 tetor, t’i japim jetë rrugëve dhe të krijojmë një tjetër kujtim të bukur për Shkupin tonë”, njoftoi ai.
Naser Rugova nga Lidhja Demokratike e Kosovës (LDK) ka paralajmëruar se gara për kryetar të kësaj partie do të përfshijë…
Interpretimi i melodisë së këngës serbe “Oj Kosovo, Kosovo”, teksti i së cilës përmban pretendime territoriale ndaj Kosovës, në koncertin…
Këtë të martë, një dollar amerikan, blihet për 81.8 lekë dhe shitet për 83 lekë. Euro, blihet me 90.4 lekë…
Rrethana të reja kanë rikthyer në vëmendje vdekjen e Jeffrey Epstein, pasi një patolog mjeko-ligjor pretendon se financieri amerikan nuk…
Presidenti amerikan Donald Trump, presidenti rus Vladimir Putin dhe lideri kinez Xi Jinping pritet të takohen të enjten në Kinë,…
Pensioni mesatar neto në Shqipëri kishte vetëm 19% të fuqisë blerëse të pensionit mesatar në Bashkimin Europian në vitin 2025,…