Gerasimovski: Pas dy vitesh qeverisje, OBRM-PDUKM përballet me rritje të pakënaqësisë qytetare

Nënkryetari i LSDM-së, Goran Gerasimovski, deklaroi se pas dy vitesh në pushtet, OBRM-PDUKM ka dëshmuar se nuk është në gjendje ta udhëheqë vendin. Sipas tij, gjendja katastrofike e ekonomisë, pakënaqësia e punonjësve dhe shqetësimet e fermerëve tregojnë për politikat e gabuara të qeverisë së Mickoskit.

Gerasimovski tha se vendi është qeverisur më keq se gjatë çdo qeverie të mëparshme dhe se këtë e konfirmojnë edhe sondazhet, të cilat pasqyrojnë pakënaqësinë, revoltën qytetare dhe disponimin e theksuar opozitar.

Ai nënvizoi se pakënaqësia nuk është e kufizuar te një grup i vetëm, por prek të gjithë qytetarët që çdo ditë përballen me pasojat e politikave ekonomike të qeverisë së OBRM-PDUKM-së.

“Gjendja në vend, veçanërisht në ekonomi, është katastrofike. Përballemi me administratë, fermerë dhe biznesmenë të pakënaqur. Jam i bindur se krijimi i një opozite të qëndrueshme dhe i një blloku të fortë opozitar do t’i dekurajojë qytetarët, të cilët revoltën dhe pakënaqësinë e tyre do ta shprehin në një mënyrë tjetër”, tha Gerasimovski.