DPHM: E nesërmja sjell shira dhe rënie të temperaturave

E nesërmja pret të kalojë kryesisht me vranësira, me temperatura më të ulëta dhe me shira në vende të caktuara. Reshjet më të dendura priten të regjistrohen në rajonet juglindore të vendit.

Meqë nga veriu do të depërtojë ajër më i ftohtë, në disa nga majat më të larta malore shiu pritet të kthehet në dëborë. Erërat me intensitet mesatar e deri të fortë do të fryjnë nga veriu, duke u ndier më shumë përgjatë rrjedhës së Vardarit.

Sa i përket temperaturave, ato minimale do të lëvizin brenda intervalit 7 deri në 13 gradë, ndërsa maksimalet do të shënojnë vlera prej 10 deri në 16 gradë.

Kryeqyteti Shkup do të ketë gjithashtu qiell me vranësira, mot më të ftohtë dhe shira të rastësishëm. Nga veriu, në pjesët e luginës, do të fryjnë erëra mesatare, të cilat herë pas here do të marrin intensitet të fortë. Termometrat atje do të tregojnë 11 gradë si vlerë minimale dhe 14 gradë si maksimale.

Edhe përgjatë gjithë javës do të dominojë mot i paqëndrueshëm, me vranësira dhe temperature më të ulëta. E premtja sjell shira lokale herë pas here, të cilët në disa nga malet më të larta do të shndërrohen në borë. Nga veriu do të fryjë erë e fortë, me shpejti që i kalojnë 60 kilometrat në orë.