Deri më 1 korrik, vetëm 15 për qind e të punësuarve kanë përfituar K-15, minimumi është 19.567 denarë

Vetëm 15 për qind e të punësuarve e kishin marrë deri më 1 korrik regresin për pushim vjetor, të njohur si K-15, ndërsa shuma mesatare neto e paguar ishte 28.562 denarë.

Për këtë vit, punëdhënësit e sektorit privat që e paguajnë K-15 duhet të ndajnë të paktën 19.567 denarë, sipas Marrëveshjes së Përgjithshme Kolektive. Shuma përkon me 40 për qind të pagës mesatare neto të tre muajve të fundit, të publikuar nga Enti Shtetëror i Statistikës, me përjashtim të kompanive që dëshmojnë se përballen me vështirësi ekonomike.

Në sektorin publik, të punësuarve u takojnë 13.560 denarë regres për pushim vjetor. Në përputhje me Marrëveshjen e Përgjithshme Kolektive, kjo shumë është sa 30 për qind e pagës mesatare neto të vitit paraprak.

Në varësi të kushteve për të cilat bien dakord sindikatat dhe punëdhënësit, marrëveshjet kolektive degërore në disa veprimtari mund të parashikojnë shuma edhe më të larta për K-15.