Qendra për Menaxhim me Kriza (QMK) bëri të ditur se gjatë 24 orëve të fundit janë evidentuar 42 zjarre në vend. Prej tyre, pesë vazhdojnë të jenë aktive, pesë janë vënë nën kontroll, ndërsa 32 janë shuar.
None found
Të dhënat e përditësuara deri në orën 7:30 tregojnë se zjarre aktive janë raportuar pranë fshatrave Graçani dhe Nikishtan në Komunën e Gjorçe Petrovit. Aktiv është edhe zjarri në territorin e Kosovës, si dhe ai në zonën Ramno, pranë fshatit Brest në Komunën e Çuçer-Sandevës. Situata me zjarre aktive është raportuar gjithashtu në hapësirën mes fshatrave Burinec, Lokovë dhe Selcë, në rrethinën e Strugës, pranë fshatit Belicë në Komunën e Makedonski Brodit dhe pranë fshatit Miletinë në Komunën e Brvenicës.
Nën kontroll janë vatrat pranë fshatrave Knezhino dhe Dobrenoec, si dhe pranë fshatit Tajmishte në Komunën e Kërçovës. Në këtë gjendje janë edhe zjarri pranë fshatit Kopanicë në Komunën e Sarajit, zjarri në deponinë e qytetit në Dellçevë dhe ai mes fshatrave Rugjincë e Orah në Komunën e Nagoriçanës së Vjetër.
Gjatë mbrëmjes, ekipet kanë arritur të shuajnë 32 zjarre në lokacione të ndryshme të vendit./Telegrafi/
Kryetari i Dhomës së Tregtisë dhe Industrisë, Kushtrim Ahmeti, e ka vlerësuar si të vonshëm vendimin e Qeverisë së Kosovës…
Pas disa orë kërkimesh, sot (16.11.2026), në orën 10:15, në fshatin Kalen, në rajonin e Mariovës, është gjetur alpinisti 62-vjeçar,…
Ministri për Punë, Familje dhe Vlerat e Luftës Çlirimtare, Andin Hoti, ka bërë të ditur sot se marrëveshja për Sigurime…
NATO ka vendosur të reduktojë takimet e nivelit të lartë dhe nuk do të zhvillojë në Shqipëri samitin e liderëve…
Të paktën 17 persona kanë humbur jetën në dy sulme të përgjakshme me armë zjarri në Afrikën e Jugut, në…
Pas dorëheqjes nga detyra e kreut të Inspektoratit Kombëtar të Mbrojtjes së Territorit, Afrim Qendro ka reaguar me një mesazh…